Shymkenttik prankerler turǵyndardyń adaldyǵyna áleýmettik eksperıment jasady, - dep habarlaıdy «Qamshy» portaly.

VKontakte jelisindegi Paparazzi Pranks tobynda áleýmettik eksperımenttiń vıdeorolıgi jarıalandy. Rolık avtorlary Rýslan Qanatbekuly men Taǵaı Nuralıev zaǵıp jandar qatelesip, maıdalap berý úshin 1 myń teńge ornyna 2 myń teńge bergen jaǵdaıdaǵy turǵyndardyń áreketterin synamaq bolǵan.

«Siz, kúndelikti ómirde eki myń teńge men myń teńgeni ońaı ajyrata alasyz. Al, kózi kórmeıtin zaǵıp jan ony ajyrata almasy anyq. Sol zaǵıp jan, qatelesip qolyndaǵy eki myń teńgeni berip, "myna myń teńgeni usaqtap beresiz be", dep ótindi. Al siz ne isteısiz?» degen suraq qoıady ıdeıa avtorlary.

Dál osyǵan uqsas eksperıment ótken jyldyń jazynda Astanada da ótkizgen edi. Onda eksperıment avtorlary astanalyqtardyń soqqy jep jatqan qyz balaǵa qandaı kómek kórsete alatyndyqtaryn synaǵan bolatyn.