Aqtóbede nannyń ishinen qoldanylǵan músheqap tabyldy. Týralǵan nanda túıilgen músheqaptyń salbyrap turǵan sýreti áleýmettik jelide kóptiń jaǵasyn ustatty dep habarlaıdy "Qamshy" portaly nur.kz-ke silteme jasap.
Aqtóbe oblysynyń Qobda aýylynyń turǵyny adam shoshyrlyq jaǵdaıdyń kýágeri boldy. Turǵyn atasy men ájesi satyp alǵan nan ishinen shyqqan músheqaptyń sýretin áleýmettik jelige salyp, kópti saqtandyryp jatyr.
«Bul ázil emes. Kásipkerdi qasaqana qaralap ta otyrǵan joqpyz. «Qobda jer» JSHS shyǵarǵan nandy atam men ájem satyp alyp keldi. Úlken kisilerge jalǵan aqparat kerek emes. Olar alǵashynda paket qıyndysy dep oılaǵan. Al ishinen shyqqan zatty kórgende shoshyp qaldy», - deıdi áleýmettik jelige qorqynyshty sýretti salǵan turǵyn.
Avtor otbasy músheleriniń qazir tamaqqa jıirkenishpen qaraıtynyn aıtqan. Olar bul jaǵdaıdy sýretke túsirip tekserý mekemelerine aryz túsirgen.
Yńǵaısyz zattyń as ishinen tabylýy Aqtóbede birinshi ret tirkelip turǵan joq. Buǵan deıin un ishinen áıelderdiń gıgıenalyq tósenishi tabylǵan bolatyn.
Pikir qaldyrý