Aqtóbedegi «Uly qamal» JSHS ujymymen kezdesý kıkiljińmen bastaldy, - dep habarlaıdy «Qamshy» portaly.

Oblys ákimi Berdibek Saparbaevtyń qazaq tilinde sóılegen sózin kompanıa aýdarmashysy qytaıshaǵa aýdara almaǵan. Sol kezde Berdibek Saparbaev tilmashqa qazaq tilin bilmeıtinin betine basyp, syn aıtady.

Kompanıa basshysy, tek qytaı tilin ǵana túsinetin Chjan Szún aýdarmashy men ákim arasynda ne áńgime bolyp jatqanyn da túsine almaı dal bolady.

Al, aýdarmashy bolsa óziniń qytaı azamaty ekenin, qazaq tilin bilmeıtinin aıtyp aqtalǵan. Aqtalyp qana qoımaı, Qazaqstanda qazaq tilin mańyzdy dep sanamaıtynyn da bildirgen.

«Men Qytaı azamatymyn. Orys tili Qazaqstanda keń taraǵan, men qazaqsha bilmeımin», - dep biraq qaıyrǵan.

Buǵan oblys basshysy odan ári bulqan-talqan bolady.

«Biz jaqynda Memlekettik hatshymen birge Nazarbaev zıatkerlik mektebinde boldyq. Onda bes jyldan beri jumys isteıtin AQSH azamaty qazaq tilinde erkin sóıleıdi. Men odan munyń mánin suraǵanda, ol «Qazaqstanda turǵannan keıin, sol eldiń memlekettik tilin bilý kerekpin» dep jaýap berdi. AQSH-ta turatyn qytaılar aǵylshyn tilin biledi. Óziń júrgen eldi syılaý kereksiń. Sondyqtan, sizderdiń aýdarmashylaryńyz qazaq tilin bilýi kerek. Siz ózińiz de basshy retinde Qazaqstannyń memlekettik tilin meńgerip alýǵa tyrysyńyz», - dep kompanıa basshysynyń ózine talap qoıǵan. 

Buǵan deıin, biz «SNPS-Aqtóbemunaıgaz» kompanıasynda qazaq jumysshylary qytaı tilinen synaq tapsyrýǵa mindettelgenin jazǵan bolatynbyz.