«Nur Otan» partıasynyń kezekten XVII sezinde Elbasy N.Nazarbev Qazaqstan úshin qazirgi jaǵdaıda tónip turǵan 5 syn-qaterdi atap ótti, - dep habarlaıdy "Qamshy" portaly 24.kz-ke silteme jasap.

Onyń ishinde álemdi jaılaǵan ekonomıkalyq ári geosaıası daǵdarys, ekstremızm men mıgrasıalyq qaýip jáne shıkizattyń qunsyzdanýy ataldy. Álbette, qýatty da birtutas ult bolyp, munyń bárin joıýdyń anyq, saraptalǵan sheshimderi bar. Ol 5 ınstıtýsıonaldyq reforma men Ult josparynda kórsetilgen bekem ustanymdar men baǵyt-baǵdarlar. «Mejelengen nátıjege senimmen jetý úshin zamanǵa beıimdelgen, tıimdi, jemqorlyqtan ada memlekettik apparat qajet», - deıdi N.Nazarbaev. Al jetekshi bılikke qarap boı túzep, aq adal eńbek etetin qarapaıym buqara úshin 2016-19 jyldar ishinde 395 myń jumys orny ashylyp, qolaıly jaǵdaı jasalmaq. Muǵalim, dáriger, áleýmettik sala qyzmetkerleriniń eńbegin laıyqty baǵalaý úshin eńbekaqy tóleýdiń jańa úlgisi usynylady. Ol maqsatta qazynadan 273 mlrd teńge bólinbek. Munyń bári Memleket basshysy tóraǵalyq etken jetekshi partıanyń saılaýaldy baǵdarlamasynda kórsetilgen mindetter.