«Nur Otan» saıası partıasynyń kezekten tys XVII sezinde bekitilgen Májilis depýtattyǵyna úmitkerlerdiń partıalyq tizimindegi ánshi, akter Nurlan Álimjan tizimdegi alashtyń aıaýly azamattary úshin tilekshi ekendigin jetkizdi, - dep habarlaıdy QazAqparat. 

«Partıalyq tizimge enýim - men úshin jańa beles. Eger de ótip depýtattyqqa ótip jatsam,  Elbasymyzdyń úlken josparlaryn qazaqtyń bir azamaty retinde júzege asyrýǵa aıanbaı ter tógemin degen senimdemin. Aldyn ala eshteńe josparlamaımyn, óıtkeni, bul - saılaý. Áli eshkim eshqaıda ótken joq. Sondyqtan, tizimniń ishinde bolǵanyma da qýanyshtymyn», - deıdi N.Álimjan.

Sondaı-aq ártis: «Zamandastarymnyń arasynan  Gennadıı,  Ilá, Serik depýtattyqqa ótse, qazaqtyń sportyn aspandatar edi»,-deıdi.

«Olar - qazaq sportyn aspandatpasa, kem túsirmeıtin azamattar. Jalpy, tizimde  alashtyń talaı aıaýlylary bar. Bárine tilekshimin. Kim bolsa da, depýtat bolǵan soń el úshin ádil eńbek etýi kerek»,-dedi N.Álimjan.