Ýkraınada tumaýdan 155 adam kóz jumdy, - dep habarlaıdy «Qamshy» portaly.  

Olardyń arasynda N-1N-1 vırýsyna shaldyǵyp qaıtys bolǵandar da bar dep habarlaıdy Densaýlyq saqtaý mınıstrligi. Syrqattan ajal qushqandardyń deni Odessa óńiriniń turǵyndary. Eldiń 18 oblysynda dertti juqtyrý epıdemıologıalyq sheginen asyp ketti. Sondyqtan osy aptada memlekettik organdar «resmı tumaý epıdemıasyn» jarıalady. Búgingi kúnge deıin tumaý jáne jiti respıratorlyq vırýstyq ınfeksıalardy juqtyrǵan ýkraınalyqtardyń sany 3 mln-dan asty. Qazir mamandar elde naýqastardy emdeıtin dári-dármekter tapshy ekenin moıyndap otyr.

Olga Golýbovskaıa, Ýkraına Densaýlyq saqtaý mınıstrliginiń shtattan tys bas ınfeksıonısi:

- Búginde tıisti qondyrǵylar men medısınalyq maqsatta paıdalanylatyn quraldar jetispeıdi. Endi osy qajetti zattardy tezirek satyp alý úshin biz mınıstrlikten elde tumaý epıdemıasyn jarıalaýdy suradyq. Óıtkeni bizge dál qazir shuǵyl túrde ottegimen demalýǵa múmkindik beretin betperdeler, dem alý apparattary jáne túrli preparattar qajet.