Búgin Oral qalasynda jedel járdem kóligi aýdaryldy, - dep habarlaıdy «Qamshy» portaly «Moı Gorodqa» silteme jasap.

Basylymnyń aıtýynnsha, arnaıy kólik jedel járdem stansasyna qaıtyp kele jatyp apatqa ushyraǵan.

Oqıǵa ornyna jetken stansa mehanıgi Ergen Hangereevtiń aıtýynsha, jedel járdem kóliginiń aýdarylýyna basqa bir kólik sebep bolǵan.

«Jedel járdem kóligi Jazıra aýdanynan stansaǵa kele jatqan. «Dınamo» shańǵy bazasynyń tusynda onyń jolyn basqa kólik qıyp ketedi. Jedel járdem júrgizýshisi soǵylýdyń aldyn alý úshin róldi ońǵa buryp jibergen. Sol kezde kólik aýdarylǵan», - deıdi E. Hangereev. Al, oqıǵaǵa «kináli» delingen kólik apat ornynan boı tasalaǵan.

Apattan jedel járdem kóliginiń júrgizýshisi esh jaraqat almaǵan, al, sanıtar men feldsher túrli jaraqatpen oblystyq klınıkalyq aýrýhanaǵa jatqyzylǵan.