Sońǵy ýaqytta áleýmettik jelilerge áýestigin tanytyp júrgen Sheshenstan basshysy Ramzan Qadyrov óziniń Instagramdaǵy paraqshasynan Reseıdegi PARNAS partıasynyń jetekshisi Mıhaıl Kasánovqa qoqan-loqqy jasap jarıalaǵan vıdeosyn óshirip tastady, - dep habarlaıdy «Qamshy» portaly «RIA Novostıge» silteme jasap.

Sheshenstan basshysy buǵan deıin áleýmettik jelige saıasatker M. Kasánovtyń jýrnalıs Vladımır Qara-Myrzamen sóılesip turǵany túsirilgen vıdeosyn jarıalaǵan bolatyn. Túsirilim kezinde beınekameranyń obektıvine qarýdyń optıkalyq kózdeýishin beıneleıtin fıltr qoıylǵan. Vıdeoǵa R. Qadyrovtyń ózi «Kasánov Strasbýrgke Reeı opozısıasyna aqsha alý úshin keldi. Túsinbegender túsinedi» degen mátin jazǵan.

Atalǵan vıdeo jarıalanysymen, Reseıdegi opozısıalyq kúshter muny M. Kasánovqa ashyq qoqan-loqqy jasaý, ómirine qaýip tóndirý dep baǵalaǵan bolatyn. Al, Qadyrov bolsa, reseılik opozısıalyq kúshterdi daǵdarys kezinde upaı jınaýdy kózdegen «zıankester» dep aıyptaǵan edi.