Ánshi Tóreǵalı Tóráli "Dıdar" basylymyna bergen suhbatynda tanymal boksshy Baqtıar Artaevtyń oǵan "Mersedes" avtokóligin syıǵa tartqanyn aıtty, - dep habarlaıdy «Qamshy» portaly szhnews-ke silteme jasap.

Ánshi mundaı qomaqty syıdy ómirde de, ónerde de kóp almaǵanyn alǵa tartqan.

“Aıtysta júrgende «Toıota 25» degen mashına jeńip alǵanmyn. Kúni keshege deıin sonymen júrdim. Keıde taksımen, keıde jaıaý da júre beremiz. Jýyrda boksshy Baqtıar Artaev aǵamyz «Mersedes 221» markaly mashına tartý etti. Ázirge eń jaqsy syı osy bolyp tur”, – deıdi aqyn.

Tóreǵalıdyń sózinshe, ónerden túsken tabys tek qana ónerge ǵana jumsalady. Án jazdyryp, beınebaıan túsirýge qajetti qarajatty tabý máselesi ákesiniń moınynda. Óıtkeni, ánshiniń basqa demeýshisi joq.

Tóreǵalı shamaly ýaqytta halyqtyń kózaıymyna aınalǵanyn 90 paıyz ákesiniń eńbegi dep biledi. Ákesi ony kishkentaıynan janyna ertip júrip, ómir men ónerdiń qyr-syryna baýlyǵan.

Ártis negizgi mamandyǵy akter ekenin aıta kele, ánshilik jolǵa túskenine esh ókinbeıtinin jetkizdi.

“Akterlikti oqyp júrgende aıtysqa kóp shyǵatynmyn. Ol kezde kınoǵa túsýge shaqyrtý kóp túsetin edi. Biraq bul jolǵa túskenime esh ókinbeımin. Óıtkeni, ánshilik ónerdiń aıtysta tıgizgen paıdasy kóp”, – deıdi Tóreǵalı.

Áńgime arasynda Tóreǵalı aqyndarmen Mekkege barǵan sapary jaıly da baıandap ótti.

“Qaırat Satybaldy aǵamyzmen birge Mekkege barýdyń sáti tústi. Ol jaqta qaǵbany aınalyp, duǵa jasaǵanda, Qudaıdyń sony ishteı qabyl etetinin sezgendeı boldym. Sondyqtan bolar, Mekkede ózimdi jaıly sezindim”, – deıdi jas ánshi.

Ártis halyqqa beımálim qyrlary jaıly da syr tarqatty. Dombyra jınaǵandy unatatyn ánshi qoly bos kezde dombyrany arnaıy sheberlerge tapsyrys berip jasatatynyn tilge tıek etti. Tóreǵalı qaǵazǵa túrtken jazbalaryn da kitap etip shyǵarýdy josparlap otyr.

“Keleshekte sapasy syn kóteretin shyǵarmashylyq týyndylarymdy kitap qylyp shyǵarsam ba degen oıym bar”, – deıdi aqyn.

Tóreǵalı Tóreáli bolashaqta joly tússe, kógildir ekrannan kórinýi múmkin ekenin de aıtyp qaldy. Biraq ázirge telehıkaıaǵa túsý ártistiń josparynda joq.