Almatyda Arbat mańynda ornalasqan ǵımarat órtke orandy, - dep habarlaıdy «Qamshy» portaly Tengrinews.kz-ke silteme jasap.

Saıttyń habarlaýynsha turǵyn úıdegi dúkenniń tóbesi órtengen. Órt shalǵan aýmaqtyń jalpy kólemi 30 sharshy metrdi quraıdy.

Almaty qalayq TJD baspasóz qyzmeti de atalǵan oqıǵany rastap otyr. baspasóz qyzmetiniń habarlaýynsha, «101» nómirine 2 aqpan kúni 20.19 saǵatta Jibek joly kóshesindegi 81-úıde ornalasqan dúken órtenip jatqandyǵy týraly habar túsken. Bes mınýt shamasynda oqıǵa ornyna jetken órtke qarsy qyzmet mamandary toǵyz qabatty turǵyn úıge japsarlas salynǵan «Mango» jáne «Gold Shop» dúkenderiniń jabyndylary janyp jatqanyn anyqtaǵan.

Órtti sóndirýge 30 adam men 7 tehnıka jumyldyrylǵan. Qaýipti aımaqtan 52 adam, onyń ishinde 12 bala evakýasıalanǵan.