Qazaqtyń aıaýly uly, arda azamat Asqar Jákýlınniń máıiti Beıjińnen Almatyǵa ákelindi, - dep habarlaıdy «Qamshy» portaly.

Qazaq halqynyń bir týar uly, qazaq mádenıetiniń, óneri men sportynyń janashyry, belgili kásipker Asqar Ánýaruly Jákýlın uzaqqa sozylǵan naýqastan 2016 jyly 2 aqpan kúni Qytaı astanasy Beıjińde máńgilik saparǵa attandy. Marqumnyń máıiti búgin tańerteń Almatyǵa jetkizildi.

Ataqty Jákýla bolystyń nemeresi, asyldyń synyǵy Asqar Jákýlın Qytaıda týyp, Germanıada joǵary bilim alǵan. Qytaıdaǵy tuńǵysh qazaq tilindegi «Aýyl» saıtynyń negizin qalap, atamekeni Qazaqstanda «As-aı» kompanıasyn qurǵan bolatyn.

Marqumnyń janazasy erteń Almatydaǵy úıinde shyǵarylyp, túste Qurmanǵazy men Fýrmanov kósheleriniń qıylysynda ornalasqan «Qabyldaý úıinde» asy beriledi.