Búgin «Aq jol» Qazaqstan demokratıalyq partıasynyń kezekten tys HIII sezi ótýde. Sıeze partıanyń «Aq jol – eńbektener kez keldi» saılaýaldy baǵdarlamasy tanystyryldy, - dep habarlaıdy «Qamshy» portaly. 

Negizgi 10 bólimnen turatyn «Aq jol» demokratıalyq partıasynyń baǵdarlamasy bıznesti qorǵaý jáne kásipkerlik salasy, naryqtyq reformalar jáne ekonomıka, bilim men densaýlyq saqtaý, jumyspen qamtý, turǵyn úı qurylysy, agroónerkásiptik keshen, rýhanı-mádenı sala, sybaılas jemqorlyqqa qarsy kúres jáne sot-quqyqtyq reforma men qaýipsizdik salasyn qamtyǵan.

«Damyǵan ekonomıkasy jáne óz kúshine senetin halqy bar myqty memleket qana shyn táýelsiz bola alady. Ekonomıkamyz básekelestikke tótep berip, elimizdiń azyq-túlik, ónerkásiptik, tehnologıalyq jáne taýarlyq qaýipsizdigin qamtamasyz ete alýy tıis. Sondyqtan, bizdiń aldymyzda ekonomıkany tutynýshylyq sıpattan jan-jaqty ónimdi bızneske kóshirý mindeti tur», - delingen baǵdarlamada.

75 delegat qatysqan partıanyń búgingi sezinde sondaı-aq partıa Jarǵysyna ózgerister men tolyqtyrýlar engizilip, partıanyń revızıalyq komısıasy búdjettiń oryndalýy týraly esep berdi. Sondaı-aq, partıa ókilderi baǵdarlama men jańa mindetterdi júzege asyrý týraly baıandady. Jáne de búgin QR parlamenti Májilisi depýtattyǵyna kandıdattardyń partıalyq tizimi jarıalanbaq.