Jolaýshylar kóligindegi elektrondy bılettendirý júıesi Shymkenttik qoǵamdyq kólikterge de ornatylady, - dep habarlaıdy «Qamshy» portaly Shymkent qalasy jolaýshylar kóligi jáne avtomobıl joldary bólimine silteme jasap.

«2015 jyldyń jeltoqsan aıynda biz Korea Smart Card Co  kompanıasymen memorandýmǵa qol qoıdyq. Qazir jolaýshylar jıiligi men kólik aǵyny zerttelýde. Bul júıe almatydaǵy «Ońaı» júıesinen aıyrmashylyqtarǵa ıe. Biz ony almatylyqtardyń qatelikterin eskerip, jetildiretin bolamyz. Ázirge ataýy naqtylanbady», - deıdi bólim basshysy Qýatjan Jumataev.

Bólim basshysynyń aıtýynsha, elektrondy bılettendirý júıesi osy jyly qoldanysqa enizilmek. Sondaı-aq, aqpan aıynda jobanyń naqty ataýy belgili bolady.

Sondaı-aq, Q. Jumataev atalǵan júıeni qoldanysqa engizýge 11000 AQSH dollary kóleminde qarajat ketetinin, alaıda, almatylyq bir fırma 8000 dollarlyq usynys jasaǵanyn aıtqan.

Búginde Shymkentte 76 baǵyt boıynsha qyzmet kórsetetin 27 tasymaldaýshy kompanıa bar.