Astana qalasynyń polıseıleri AQSH prezıdentiniń famılıasymen atalatyn jáne syrtyna Barak Obama sýreti  salynǵan jyljymaly dámhanany ashylmaı jatyp, alańnan alyp tastaýǵa buıyrǵan, - dep habarlaıdy «Qamshy» portaly informburo.kz-ke silteme jasap.

Avtobýs bazasynda jasalǵan dámhanany astanalyq kásipker qala kósheleriniń birine ornalastyryp, endi saltanatty ashylýyn jasaımyn dep otyrǵanda, polısıadan qatań talap qoıylǵan.

«Meni polısıa bastyǵyna shaqyrtty da, avtokólikti bulaı ózgertýge bolmaıtynyn jáne onyń búıiriniń 40 paıyzdan astamy boıalǵanyna baılanysty alyp tastaý kerektigin aıtty. Menińshe, másele boıaýda emes, «Food Truck», ıaǵnı dóńgelekti dámhana ıdeıasynda sıaqty», - deıdi kásipker Nursultan Sháripbaev.

Ázirleýge 4 mıllıon teńgedeı qarajat pen bir jylǵa jýyq ýaqyt ketken bıznes-joba polıseılerdiń osy talabynyń kesirinen júzege aspaı qalatyn túri bar.