Túrkıa Premer-mınıstri Daýytoǵlynyń Qazaqstan Prezıdenti Nazarbaevpen  Aqordadaǵy tolyq quramdy kezdesýi 2 saǵat 40 mınýtqa sozyldy. Daýytoǵlu kezdesýde Qazaqstanǵa ár jasaǵan saparynda ózin Qazaqstannyń azamaty sezinetinin jetkizdi. Premer-mınıstr retinde Qazaqstanǵa alǵash issaparmen kelgenine qýanyshty ekenin sóılegen Daýytoǵlu «Syrtqy ister mınıstri retinde Qazaqstanǵa kóp kelgenin, , bıylǵy jyly Qazaqstanǵa kelgen alǵashqy saıası laýazymdy tulǵa ekenin maqtan etetinin» aıtty. Ol óz sózinde: «Qazaqstan Táýelsizdiginiń 25 jyldyǵy biz úshin de maqtan eter mereke, Sizdiń kóshbasshylyǵyńyzda, Qazaqstannyń qol jetkizgen barlyq damýshylyǵyn óz damýshylyǵymyz retinde sanaımyz. Túrik-Qazaq qarym-qatynasyna zor úles qosqan Aqsaqal retinde sizge úlken alǵys aıtamyz», - dedi. 
Nazarbaevtyń Túrkıanyń 8-prezıdenti Turǵyt Ózálmen kezigýinde Ózáldan «Túrkıada qansha qazaq bar?» dep suraǵanyn, oǵan óz kezinde Ózáldiń «Meni qosqanda 70 mıllıon qazaq bar!» dep jaýap bergenin eske salǵan Túrik Premeri, «Biz jaqynda halyq sanaǵyn jasadyq, Túrkıada, endi, meni qosqanda 78 mıllıon 600 myń qazaqtan sizge sálem ákeldim» dedi. Nazarbaevtyń «Bosqyndarmen sandaryńyz artyp jatyr ǵoı» degen sózine «olardy da qazaq deýińizge bolady, olardyń arasynda da kóp sandy Túrki tekti bar» dep atap ótti. 
Túrik Premeri sondaı-aq Qazaqstandaǵy áriptesi Másimovpen de 1 saǵattyq kezdesý ótkizgen. Bul kezdesýden sońǵy Delegasıaaralyq otyrysta Túrik Vıse Premeri Tuǵrul Túrkesh, Ekonomıa mınıstri Mustafa Elıtach, Qatynas jáne Teńizshilik mınıstri Bınalı Iyldyrym, Ádilet jáne Damý partıasyn tóraǵasynyń birinshi orynbasary Chıgdem Qaraaslan, Premerdiń bas keńesshisi Alı Sarykaıa, Syrtqy ister mınıstri keńesshisi Ferıden Sınıroǵlu sıaqty laýazymdy tulǵalar qatysqan.

Nurǵalı Nurtaı