Túrik prezıdenti Rejep Erdoǵan RF basshysy Vladımır Pýtındi okýpant dep aıyptap otyr. Erdoǵannyń bul málimdemesin Bashar Asad áskeriniń Aleppo túbindegi shabýyldarynyń áseri dep qabyldaýǵa bolady, - dep habarlaıdy «Qamshy» portaly Bloomberg agentigine silteme jasap.

Atap aıtqanda, R. Erdoǵan Hurriyet túrik gazetine bergen suhbatynda Sırıadaǵy ahýalǵa qatysty pikirin bildirgen. Sırıada sońǵy ýaqytta Reseı áýe kúshteriniń demeýimen úkimet áskeri opozısıa men kóterilisshilerge joıqyn soqqylar jasaǵan bolatyn. Osyǵan oraı, R. Erdoǵan V. Pýtınge qaratyp: «Sender Sırıada ne istep júrsińder? Osy áreketterińmen sender okýpant boldyńdar» degen.

Munyń aldynda Túrkıa syrtqy ister mınıstrligi reseılik ushaqtar eldiń áýe keńistigin taǵy buzdy dep aıyptaǵan bolatyn.