اقتوبە وبلىسىندا سيرياداعى سوعىسقا اتتانباق بولعان 20 ادام قولعا ءتۇستى، - دەپ حابارلايدى «قامشى» پورتالى ratel.kz-كە سىلتەمە جاساپ.

ۇستالعانداردىڭ بارلىعى اقتوبە قالاسى مەن مۇعالجار اۋدانىنىڭ تۇرعىندارى كورىنەدى. ۇقك قىزمەتكەرلەرى توقتاتقان گازەل كولىگىنىڭ ىشىندە 20 ادام بولعان. ولاردىڭ 10-ى ەرلەر، قالعانى ايەلدەر مەن بالالار ەكەن.

ۇقك قىزمەتكەرلەرى ۇستالعانداردىڭ سيريا ساپارىنا ۇزاق دايىندالعاندارىن، جۇرەتىن باعىتتاردى مۇقيات پىسىقتاعاندارىن ايتادى. ءتىپتى، «قاسيەتتى ساپارعا» شىعاتىن كۇنى كۇدىك تۋعىزباس ءۇشىن ەرلەر ساقالدارىن قىرىپ تاستاپ، ايەلدەرى حيدجاپتارىن شەشكەن. جيھادقا جينالعاندار وندا ايەلدەرىمەن قوسا، بالالارىن دا الىپ كەتۋگە ارەكەتتەنگەن.

ءقازىر ۇستالعان ەركەكتەر تۇگەل ۋاقىتشا ۇستاۋ يزولياتورىنا جابىلىپ، ايەلدەر مەن بالالار ۇيلەرىنە جىبەرىلگەن. تەرگەۋ جۇمىستارى جۇرگىزىلۋدە.