لوندونداعى شەشۋشى كەلىسسوزدەر: ۋكرايناعا قىسىم كۇشەيگەن تۇستا ەۋروپا ءوز ءرولىن كۇشەيتپەك
دۇيسەنبىدە لوندوندا ۋكراينا پرەزيدەنتى ۆلاديمير زەلەنسكيي، ۇلىبريتانيا پرەمەرى كيەر ستارمەر، فرانسيا پرەزيدەنتى ەممانۋەل ماكرون جانە گەرمانيا كانسلەرى فريدريح مەرس سوعىسقا نۇكتە قويۋ جونىندەگى كەلىسسوزدەردىڭ تاعدىرىن تالقىلايدى.
كەزدەسۋ اقش-تىڭ كييەۆتەن اۋماقتىق جەڭىلدىكتەردى قاراستىرۋدى تالاپ ەتكەن جاڭا بەيبىت جوسپارىنان كەيىن وتۋدە. ترامپ اكىمشىلىگىنىڭ وكىلدەرى مەن زەلەنسكييدىڭ جاڭا باس كەلىسسوزشى رۋستەم ۋمەروۆ جۇرگىزگەن ءۇش كۇندىك كەلىسسوزدەردە ىلگەرىلەۋ از بولدى. ترامپ ءتىپتى زەلەنسكييدى “جوسپاردى وقىمادى” دەپ سىنادى.
ەۋروپالىق كوشباسشىلار اقش ۇسىنعان نۇسقالاردىڭ رەسەيگە تىم ءتيىمدى بولىپ كەتۋىنەن الاڭداۋلى. ولار ۋكراينا بولاشاقتا ءوزىن ءوزى قورعاي الاتىنداي ناقتى قاۋىپسىزدىك كەپىلدىكتەرىن تالاپ ەتەدى. لوندون مەن پاريج “ەرىكتىلەر كواليسياسىن” قۇرۋ ۇسىنىسىن العا تارتىپ وتىر.
كەلىسسوزدەردەگى ەڭ داۋلى تۇستار – رەسەي باسىپ العان شىعىس وڭىرلەرىنە قاتىستى اۋماقتىق ماسەلە جانە زاپوروجە اەس-ىنىڭ بولاشاعى. ماسكەۋ دونەسك پەن لۋگانسكقا ءوزىنىڭ تولىق باقىلاۋىن تالاپ ەتىپ وتىر.
