استانا اكىمى جەڭىس قاسىمبەك LRT-نىڭ العاشقى پويىزى قاشان ىسكە قوسىلاتىنىن ايتتى. بۇعان دەيىن قالا باسشىسى LRT تەستىك رەجيمدە ىسكە قوسىلاتىنىن مالىمدەگەن بولاتىن.
"قىركۇيەك ءالى اياقتالعان جوق. كەلەسى اپتادا قىركۇيەكتىڭ 29-30 كۇندەرى العاشقى پويىزدى ىسكە قوسامىز با دەپ وتىرمىز. ءابۋ-دابي مەن ماڭگىلىك ەلدەگى كوپىرگە قاراي جىبەرەتىن شىعارمىز. ودان كەيىن كۇن سايىن جۇمىس ۋاقىتىن ۇزارتامىز. ءسويتىپ، پويىز باراتىن جولدى دا، ستانسيالاردى دا كوبەيتەتىن بولامىز"، - دەدى قاسىمبەك جۋرناليستەرگە بەرگەن سۇحباتىندا.
قالا باسشىسى پويىزداردىڭ سانى دا ارتاتىنىن اتاپ ءوتتى.
"ءسويتىپ، جەلتوقساننىڭ سوڭىنا، قاڭتاردىڭ ورتاسىنا قاراي بارلىق پويىز تەستىك رەجيمدە جۇرەدى"، - دەپ اتاپ ءوتتى اكىم.
اكىمنىڭ ايتۋىنشا، LRT-دا جول ءجۇرۋ اقىسى 200 تەڭگە شاماسىندا بولادى.
“جالپى، تەستتك رەجيم ءۇش ايدان التى ايعا دەيىن سوزىلادى. قازان ايىندا تاعى 8 پويىز، ال جەلتوقسانعا دەيىن تولىعىمەن 18 قۇرام كەلەدى. ءبارى دۇرىس بولىپ، تەستەن دۇرىس وتسە، كەلەسى جىلدىڭ ءبىرىنشى توقسانىننىڭ سوڭىنا دەيىن LRT-نى تولىعىمەن ىسكە قوسامىز ”، - دەپ تۇيىندەدى قاسىمبەك.
