كولىك يەلەرى مەن تاسىمالداۋشىلاردىڭ جولاۋشىلار الدىنداعى ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ بويىنشا زاڭنامالىق وزگەرىستەر ماجىلىسكە ءتۇستى.
دەپۋتات تاتيانا ساۆەليەۆانىڭ ايتۋىنشا، زاڭ جوباسى ساقتاندىرۋ كومپانيالارى مەن مىندەتتى اۆتوساقتاندىرۋدى راسىمدەيتىن ازاماتتاردىڭ مۇددەسىن قورعاۋدى كوزدەيدى. وسىعان بايلانىستى قازىرگى زاڭناماعا ءتيىستى تۇزەتۋلەر ەنگىزىلەدى.
نەگىزگى وزگەرىستەر:
- جول اپاتىنان زارداپ شەككەندەردىڭ ساقتاندىرۋ تولەمدەرىن ارتتىرۋ؛
- تولەمدەردى الاتىن ادامداردىڭ سانىن كوبەيتۋ؛
- ساقتاندىرۋ كومپانيالارىن مۇراگەرلەردى تولەم الۋ تۋرالى حاباردار ەتۋگە مىندەتتەۋ؛
- ساقتاندىرۋ جاعدايىندا تاۋەلسىز ساراپتامانى قولدانۋعا مۇمكىندىك بەرۋ.
"ۇكىمەت بۇل زاڭ جوباسى بويىنشا ءوز قورىتىندىسىن بەردى. ونى دا جۇمىس كەزىندە ەسكەرەمىز"، - دەيدى ساۆەليەۆا.
