جامبىل وبلىسىندا سوت قوس ازاماتتىق ءۇشىن ايىپپۇل تاعايىندادى، دەپ حابارلادى وبلىستىق باسپا ءسوز قىزمەتى. تۇرار رىسقۇلوۆ اۋداندىق سوتى ق ر ازاماتتىق تۋرالى زاڭناماسىن بۇزۋ بويىنشا ءىستى قارادى.
"2025 جىلدىڭ ءساۋىر ايىندا اۋدان پوليسياسى ەر ادامنىڭ رەسەي فەدەراسياسىنىڭ ازاماتتىعىن جانە ءتولقۇجاتىن العانىن انىقتادى. الايدا ول قازاقستان رەسپۋبليكاسىنىڭ زاڭناماسىندا بەلگىلەنگەن مەرزىمدەردە شەتەل ازاماتتىعىن الۋ فاكتىسى تۋرالى ءتيىستى ورگاندارعا حابارلاماعان"، - دەپ جازىلعان حابارلامادا.
سوت وتىرىسىندا ەر ادام ءوز كىناسىن مويىنداپ، رەسەي ازاماتتىعىن قابىلداۋ كەزىندە وعان قازاقستان رەسپۋبليكاسىنىڭ ءتولقۇجاتىن جانە جەكە كۋالىگىن تاپسىرۋ قاجەتتىلىگى تۋرالى حابارلانباعانىن ءتۇسىندىردى.
مۇنداي زاڭبۇزۋشىلىق ءۇشىن 100 اەك مولشەرىندە ايىپپۇل سالۋ نەمەسە قازاقستان اۋماعىنان اكىمشىلىك جولمەن شىعارىپ جىبەرۋ قاراستىرىلعان.
سوت قاۋلىسىمەن ەر ادام كىنالى دەپ تانىلىپ، وعان 393 مىڭ تەڭگە مولشەرىندە ايىپپۇل سالىندى.
قاۋلى زاڭدى كۇشىنە ەندى.
