تۇركىستان وبلىسىنىڭ باس يمامى ەرجان تولەپوۆ اكەسىن سوققىعا جىققان ەر ادامعا قاتىستى پىكىر ءبىلدىرىپ، ونىڭ مەشىتكە ەشقانداي قاتىسى جوق ەكەنىن ايتتى
"الەۋمەتتىك جەلىلەردە تۇركىستان وبلىسى، شاردارا اۋدانىندا اكەسىنە قول كوتەرگەن ازاماتتىڭ «مەشىتتىڭ ازانشىسى» ەكەنى جونىندە جالعان اقپارات تارادى. رەسمي تۇردە مالىمدەيمىز:
- اتالعان ازامات قازاقستان مۇسىلماندارى ءدىني باسقارماسىنىڭ ءدىن قىزمەتكەرى ەمەس؛
- ول مەشىتتە ەشقاشان ازان ايتپاعان جانە رەسمي ءدىني قىزمەت اتقارماعان؛
- ونىڭ قىزمەتى ءدىن سالاسىنا قاتىسى جوق، قوسىمشا توي جۇرگىزۋشى (تامادا).
قازاقستان مۇسىلماندارى ءدىني باسقارماسى مۇنداي ارەكەتتەردى قاتاڭ ايىپتايدى. سونىمەن بىرگە، اتا-اناعا قۇرمەت – ءاربىر مۇسىلماننىڭ باستى مىندەتى ەكەنىن قالىڭ جۇرتشىلىقتىڭ ەسىنە سالادى"، دەپ جازدى تۇركىستان وبلىسىنىڭ باس يمامى.
ايتا كەتەيىك، شاردارا اۋدانىندا تۋعان ۇلى مەن كەلىنىنەن زورلىق-زومبىلىق كورگەن قاريا 4 قىركۇيەك كۇنى قايتىس بولعانى بەلگىلى بولدى.
