پارلامەنتتىڭ (سەنات پەن ءماجىلىستى) شىعىندارى سوڭعى ون جىل ىشىندە ەلدەگى ينفلياسيانى ەسەپتەگەندە 25 پايىزعا وسكەن. 2015 جىلى ءبىر دەپۋتات ءۇشىن 70 ملن تەڭگە جۇمسالعان. ال 2024 جىلعا قاراي بۇل 195 ملن تەڭگەگە وسكەن. بۇل تۋرالى كۋرسيۆ پورتالى حابارلادى.
كەشە پرەزيدەنت قاسىم-جومارت توقايەۆ حالىققا جولداۋىندا ءبىرپالاتالى پارلامەنت قۇرۋدى ۇسىنعان ەدى. مەملەكەت باسشىسىنىڭ بۇل ۇسىنىسى جۇزەگە اسىرىلاتىن بولسا شىعىن ازايادى دەپ كۇتىلۋدە. ەگەر سەنات (50 دەپۋتات) جويىلىپ، ءماجىلىس دەپۋتاتتارىنىڭ بۇگىنگى سانى (98 دەپۋتات) ساقتالسا، پارلامەنت شىعىنى ۇشتەن بىرگە قىسقارۋى مۇمكىن.
2024 جىلعى دەرەكتەرگە سۇيەنسەك، بۇل قوس پالاتانى ۇستاۋعا كەتكەن 29 ميلليارد تەڭگەنىڭ شامامەن 10 ميللياردىن ۇنەمدەۋگە بولادى.
