2025 جىلعى 9 قىركۇيەكتە ۇيعىر اۋدانى اكىمدىگىنىڭ ءماجىلىس زالىندا قازاقستان حالقى اسسامبلەياسىنىڭ اۋداندىق ءى سەسسياسى ۇيىمداستىرىلدى. ءىس-شاراعا الماتى وبلىستىق قازاقستان حالقى اسسامبلەياسى حاتشىلىعىنىڭ مەڭگەرۋشىسى، وبلىستىق ىشكى ساياسات باسقارماسى باسشىسىنىڭ م.ا. اسەل مۇرات قىزى دجالعاسپايەۆا ءتوراعالىق ەتتى.

سەسسيا بارىسىندا مەملەكەت باسشىسى قاسىم-جومارت كەمەل ۇلى توقايەۆتىڭ قازاقستان حالقى اسسامبلەياسىنىڭ ءحححىV سەسسياسىندا بەرگەن تاپسىرمالارىنىڭ ورىندالۋى تالقىلانىپ، اۋدانداعى بىرلىك پەن كەلىسىمدى نىعايتۋعا باعىتتالعان جۇمىستار سارالاندى.

جيىندا ۇيعىر اۋدانىنىڭ اكىمى، اۋداندىق قازاقستان حالقى اسسامبلەياسىنىڭ ءتوراعاسى بوتا سەرىك قىزى ەلەۋسىزوۆا ءسوز سويلەپ، اسسامبلەيانىڭ قوعامداعى ءرولى مەن ستراتەگيالىق ماڭىزىنا توقتالدى. سونىمەن قاتار، اۋداندىق اقساقالدار كەڭەسىنىڭ ءتوراعاسى جانەت ءسادى ۇلى كەرىمقۇلوۆ، قحا مۇشەسى ريشات لەكيمجانوۆيچ روزاحۋنوۆ، اۋداندىق انالار كەڭەسىنىڭ ءتورايىمى كۇلجاحان كاكىش قىزى اليكەيەۆا جانە ۇيعىر ەتنومادەني بىرلەستىگىنىڭ ءتوراعاسى ارلەن سەنال ۇلى وسمانوۆ بايانداما جاسادى.

جاستار تاراپىنان اۋداندىق اسسامبلەيا جاستارىنىڭ ءتورايىمى اقجان تىلەۋبەردى قىزى سەگىزبايەۆا ءسوز الىپ، قوعامدىق كەلىسىم مەن ەتنوسارالىق تۇراقتىلىقتى ساقتاۋدا جاستاردىڭ بەلسەندىلىگى ەرەكشە ەكەنىن اتاپ ءوتتى.

سەسسيا سوڭىندا قاتىسۋشىلار سۇراق-جاۋاپ الاڭىندا پىكىر الماسىپ، ءىس-شارا قورىتىندىلاندى.