Samsung العاشقى مۋلتي-بۇكتەمەلى سمارتفونىن تانىستىردى

Samsung Electronics قىتايلىق برەندتەردىڭ قارقىنى ارتىپ تۇرعان تۇستا، كوپبۇكتەمەلى العاشقى سمارتفونى — Galaxy Z TriFold-تى رەسمي تۇردە تانىستىردى. قۇرىلعى 12 جەلتوقساندا وڭتۇستىك كورەيادا ساتىلىمعا شىعىپ، كەيىن جۇڭگو، تايۆان، سينگاپۋر جانە ءباا نارىقتارىنا جول تارتادى. اقش-تا TriFold 2026 جىلدىڭ العاشقى توقسانىندا ۇسىنىلادى. سمارتفون 16 گب جەدەل جادى، 512 گب ساقتاۋ ورنى جانە شامامەن $2 449 باعاسىمەن كەلەدى.

Galaxy Z TriFold ەكى ىشكە بۇكتەلەتىن توپسا ارقىلى 10 ديۋيمدىك كەڭ ەكرانعا اشىلادى جانە ءۇش قولدانبانى قاتار ىسكە قوسۋ، كومپيۋتەرگە ۇقساس جۇمىس رەجيمىن پايدالانۋ مۇمكىندىكتەرىن ۇسىنادى. مودەل Samsung-نىڭ foldable ساناتىنداعى ەڭ ۇلكەن اككۋمۋلياتورىمەن جابدىقتالعان جانە 30 مينۋتتا 50% قۋاتتالاتىن جىلدام زاريادتاۋدى قولدايدى. سونىمەن قاتار، قۇرىلعى IP48 ستاندارتى بويىنشا سۋعا ءتوزىمدى.

ساراپشىلار Samsung-نىڭ بۇل قادامىن نارىقتاعى قاتال باسەكەلەستىككە، اسىرەسە Huawei مەن Honor سەكىلدى قىتايلىق كومپانيالاردىڭ بەلسەندىلىگىنە جاۋاپ رەتىندە باعالاپ وتىر. كومپانيا TriFold مودەلىن شەكتەۋلى تيراجبەن شىعارماق، ال، ونىڭ باستى ماقساتتارىنىڭ ءبىرى — جاڭا بۋىن توپسا، ەكران بەرىكتىگى جانە سوفت ونىمدىلىگىن ناقتى قولدانۋشىلار ارقىلى سىناۋ ەكەنىن مالىمدەدى.