قىرعىزستاندا دەپۋتاتتارعا جالاقى تولەۋ توقتاتىلدى. الايدا  ولاردىڭ وكىلەتتىگى ءالى دە ساقتالادى. وكىلەتتىك تەك سەگىزىنشى شاقىرىلىم دەپۋتاتتارى انت بەرىپ، ءوز قىزمەتىنە كىرىسكەننەن كەيىن عانا توقتاتىلادى.

جوعارعى كەڭەستىڭ باسپا ءسوز قىزمەتىنىڭ ايتۋىنشا، بۇل شەشىم الداعى سايلاۋدىڭ بارلىق قاتىسۋشىلارى ءۇشىن اشىقتىق پەن تەڭ جاعدايلاردى قامتاماسىز ەتۋگە باعىتتالعان.

وسىدان كەيىن پارلامەنت دەپۋتاتتارىنىڭ كەڭەسشىلەرى مەن كومەكشىلەرى جاپپاي قىزمەتتەن كەتتى. مامانداردىڭ ايتۋىنشا مۇنداي شەشىم الداعى سايلاۋعا بايلانىستى قابىلدانعان. 

بۇعان دەيىن پارلامەنتتىك كوميتەت جوعارعى كەڭەستىى مەرزىمىنەن بۇرىن تاراتۋ تۋرالى باستامانى ماقۇلداعان بولاتىن. دەپۋتاتتاردىڭ باستاماشىل توبى شەشىم قابىلداۋ ءۇشىن قاجەتتى 32 قول جينادى. بۇل — ساياسي تاريحى كۇردەلى شاعىن مەملەكەت ءۇشىن ەلەۋلى سىناق بولعالى تۇر.