ەۋروپالىق وداق رەسەيگە قارسى سانكسيالاردىڭ 19-شى پاكەتىن قابىلدادى. سانكسياعا ىلىنگەندەردىڭ قاتارىندا قازاقستاندىق ۆتب بانكى دە بار.
بۇدان بولەك ۆتب-نىڭ بەلارۋس پەن شانحايداعى ەنشىلەس كومپانيالارىنا سانكسيا سالىندى.
ەۋروپالىق كەڭەس جاريالاعان قۇجاتقا سايكەس، شەكتەۋ شارالارى 2025 جىلدىڭ 2 جەلتوقسانىندا كۇشىنە ەنەدى. ولارعا قارجىلىق قىزمەتتەرگە قول جەتكىزۋ جانە ەو يۋريسديكسيالارى اياسىنداعى ترانزاكسيالارعا شەكتەۋلەر كىرەدى. ۆتب قازاقستان بۇعان دەيىن باس كومپانياعا قويىلعان شەكتەۋلەرگە بايلانىستى قيىندىقتاردى باستان كەشىردى.
ەۋرووداقتىڭ سىرتقى ىستەر بويىنشا جوعارعى وكىلى كاي كاللاستىڭ ايتۋىنشا، جاڭا سانكسيانىڭ نىساناسى – رەسەيلىك بانكتەر، كريپتوۆاليۋتا بيرجالارى، ءۇندىستان مەن قىتايداعى ۇيىمدار.
