بۇگىن مادەنيەت جانە اقپارات ءمينيسترى ايدا بالايەۆا رەسپۋبليكا كۇنىنىڭ قارساڭىندا بىرنەشە قازاقستاندىقتى ناگرادتادى. بۇل تۋرالى اقوردا حابارلادى.
«قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى مادەنيەت سالاسىنىڭ كورنەكتى وكىلدەرى ز.التىنبايەۆاعا، ءا.التىنبەككە، ن.جمەرەنەسكاياعا، ب.قاجىبايەۆقا، بەلگىلى كاسىپكەر، قوعام قايراتكەرى ي.ساۋەرگە جانە تاعى دا باسقالارعا بەرىلدى.
«قازاقستاننىڭ حالىق جازۋشىسى» اتاعىنا اقىن م.ايتقوجا، جازۋشى ع.قابىش ۇلى، «قازاقستاننىڭ حالىق ءارتىسى» اتاعىنا مۋزىكا، تەاتر جانە كينو ونەرىنىڭ كورنەكتى قايراتكەرلەرى بولات ءابدىلمانوۆ، مەرۋەرت وتەكەشوۆا، ايتقالي جايىموۆ، شىنار جانىسبەكوۆا، ب.يبرايەۆ، ك.قازاقبايەۆا جانە ر.ماشۋروۆا، ت.جانقۇل لايىق دەپ تانىلدى.
دەنساۋلىق ساقتاۋ جانە عىلىم سالاسىنىڭ ءبىرقاتار وكىلى «قازاقستاننىڭ ەڭبەك سىڭىرگەن دارىگەرى» جانە «قازاقستاننىڭ ەڭبەك سىڭىرگەن عىلىم جانە تەحنيكا قايراتكەرى» قۇرمەتتى اتاقتارىنا يە بولدى.
