تۇركىستان وبلىسىندا اكەسىن اياۋسىز ۇرعان ەر ادامعا قىلمىستىق ءىس قوزعالدى، ونىڭ ايەلى دە جاۋاپقا تارتىلادى، دەپ حابارلايدى وبلىستىق پوليسيا دەپارتامەنتى.
قازىرگى ۋاقىتتا ەر ادامعا قاتىستى پوليسيا "جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ" بابىمەن قىلمىستىق ءىس قوزعاعان.
"كۇدىكتى ۇستالدى جانە ۋاقىتشا ۇستاۋ يزولياتورىنا قامالدى. ءقازىر ول سوتتىڭ سانكسياسىمەن قاماۋدا وتىر. سونىمەن قاتار ايەلگە قاتىستى قىلمىستىق ءىس قوزعالدى. سوتقا دەيىنگى تەرگەۋ ءجۇرىپ جاتىر"، - دەيدى ۆەدومستۆو.
ەسكە سالا كەتەيىك، شاردارا اۋدانىندا ەر ادام قارت اكەسىن قان-جوسا ەتىپ اياۋسىز سوققىعا جىقتى. جانتۇرشىگەرلىك وقيعانىڭ بەينەجازباسى الەۋمەتتىك جەلىدە تارادى.
