بۇگىن الماتى مەتروپوليتەنى اشىلعانىنا 14 جىل تولۋىن اتاپ وتۋدە. وسى جىلدار ىشىندە مەترو قالا تۇرعىندارى مەن قوناقتارىنا جىلدام، ءقاۋىپسىز جانە ەكولوگيالىق تازا تاسىمالداۋ قىزمەتىن كورسەتەتىن ەڭ ماڭىزدى ءارى سەنىمدى قوعامدىق كولىك تۇرلەرىنىڭ بىرىنە اينالدى.

جەلى ىسكە قوسىلعان ساتتەن باستاپ مەتروپوليتەن 200 ميلليوننان استام جولاۋشىنى تاسىمالدادى، ال كۇن سايىن جەراستى كولىگى 120 مىڭنان استام جولاۋشىعا قىزمەت كورسەتەدى.

مەترونىڭ ۇزدىكسىز جۇمىسىن 1500-دەن استام مامان قامتاماسىز ەتەدى - ماشينيستەر، ينجەنەرلەر، ديسپەچەرلەر، كاسسيرلەر، ستانسيا كەزەكشىلەرى، قاۋىپسىزدىك قىزمەتىنىڭ قىزمەتكەرلەرى جانە باسقا دا كوپتەگەن كاسىبي ماماندار.

الماتى مەتروپوليتەنى بەلسەندى دامۋىن جالعاستىرۋدا. باتىس باعىتىندا جەلىنى كەڭەيتۋ بويىنشا اۋقىمدى جوبا جۇزەگە اسىرىلىپ جاتىر. قازىرگى ۋاقىتتا «قالقامان» ستانسياسىنىڭ قۇرىلىسى اياقتالۋعا جاقىن، سونداي-اق «بارلىق» بازارىنا دەيىنگى تاعى ءۇش ستانسيانىڭ جوبالاۋ جۇمىستارى جۇرگىزىلۋدە.

مەتروپوليتەندى دامىتۋ قالانىڭ كولىك جۇيەسىن جاقسارتۋعا، حالىقتىڭ موبيلدىگىن ارتتىرۋعا جانە جايلى قالا ورتاسىن قالىپتاستىرۋعا باعىتتالعان ماڭىزدى قادام بولىپ تابىلادى. 

"الماتى ق. مەتروپوليتەنى" كمك باسپا ءسوز قىزمەتى