اۋعانستاندا تەلەفون بايلانىسى بۇزىلىپ، ينتەرنەت جەلىسى تولىق ءوشىرىلدى. NetBlocks مونيتورينگ قىزمەتى بۇل جاعدايدى جۇرتشىلىقتىڭ ينتەرنەتتەن تولىق قول ءۇزۋ دەپ باعالادى. بۇل شەشىم تاليبانداردىڭ كوشباسشىسى حيباتۋللا احۋنزادانىڭ ءداستۇر-عۇرىپتى ساقتاۋ نەگىزىندە قابىلدانعان دەسەدى.
ينتەرنەت اۋىلداردا دا، قالالاردا دا وشىرىلگەن. سونىڭ كەسىرىنەن بانكتەردىڭ، بۇقارالىق اقپارات قۇرالدارىنىڭ جانە وزگە دە مەكەمەلەردىڭ جۇمىسى توقتاپ، اۋە رەيستەرى توقتاتىلعان.
اۋعانستان – ينتەرنەتتى اۋىزدىقتاعان جالعىز ەل ەمەس. 2024 جىلدىڭ قورىتىندىسى بويىنشا الەمدە 50-دەن استام مەملەكەتتە ينتەرنەت بەلگىلى ءبىر كەزەڭدەردە نەمەسە تولىقتاي بۇعاتتالعان. ولاردىڭ قاتارىندا سولتۇستىك كورەيا، رەسەي، جۇڭگو، بانگلادەش، تۇركىمەنستان دا بار.
