اسەم اندەرىمەن حالىقتىڭ جۇرەگىن عانا تەربەپ قويماي، جۇبايىنا ارناپ «ايدىنىم» دەپ ءان سالعان ءانشى سۇيىكتىسىنە توقال الۋعا رۇقسات بەردى،  - دەپ جازادى Stan.kz .

ءانشىنىڭ جۇبايى جۋرناليست ايدىن قابا توقال العىسى كەلىپ جۇرگەنىن بىرنەشە جىلدان بەرى ايتىپ كەلگەن. ءبىراق ول ۋاقىتتا ءالقوجا رۇقسات بەرمەگەن-دى.

بۇل تۋرالى ءانشى “ەل اۋزىندا” باعدارلاماسىندا “ەگەر ونى قالاماسا رۇقسات سۇرامايتىن ەدى. ەر ازامات رۇقسات سۇراسا، وعان رۇقسات بەرمەۋگە بولمايدى. رۇقساتىن بەرگەنبىز. ال ودان كەيىن ءوزى ويلانىپ قالعان سياقتى” دەپ بۇعان راسىمەن دە ءوزى كەلىسىم بەرگەنىن ايتتى.

ارى قاراي “ول ءۇشىن دە ادامنىڭ داۋلەتتى بولۋى كەرەك. ەكى جاقتى دا تەڭدەي، بىردەي ۇستاۋى كەرەك دەگەن سەكىلدى قيىندىقتارى بار” دەپ ازىرگە جۇبايىنىڭ ەكى وتباسىن بىردەي قاراجاتپەن قامتاماسىز ەتە المايتىنىن تىلگە تيەك ەتتى.

مۇنى ەستىگەن ءانشىنىڭ ارىپتەستەرى قاتتى تاڭقالدى. اقبوتا كەرىمبەكوۆا “وندايدى ەستىگەن ەمەسپىن. ونەردە ءجۇر. قىزدار ءوز ارامىزدا ونداي اڭگىمە بولعان ەمەس” دەپ مۇنى الىپ-قاشپا سوزگە بولادى.

ەستەرىڭىزدە بولسا، وسى ۋاقىتقا دەيىن روزا ءالقوجانىڭ ۋادەسىندە تۇرمايتىن جاندارعا ىزالانىپ، ءبىر جىلاپ العانى تۋرالى جازعان بولاتىنبىز.