شىعىس قازاقستان وبلىسىندا اۋا تەمپەراتۋراسىنىڭ كۇر جوعارىلاۋى سالدارىنان ءتورت بىردەي قار كوشكىنى بولدى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.

23 ناۋرىزدا ساعات 17.10-دا قاتون-قاراعاي اۋدانىندا بولعان قار كوشكىنى سالدارىنان "سوگورنوە - بارلىق" اۆتوجولى جابىلىپ قالعان. قار كوشكىنىنىڭ كولەمى 130-دان 540 شارشى مەترگە دەيىن جەتتى. تابيعي قۇبىلىستىڭ سالدارىنان ەشكىم زارداپ شەككەن جوق. "ساعات 23.50-دە كوماريحينسكيي اۋىلدىق وكرۋگىنىڭ كۇشىمەن جولدى قاردان تازالاۋ جۇمىستارى جۇرگىزىلدى. ءقاۋىپتى ايماققا كىرەر جەرگە پوليسيا قوسىنى قويىلدى"، - دەپ حابارلادى ءىىد وكىلدەرى.

سونىمەن قاتار، ق ر ءىىم تجك قار جينالاتىن ورىندارعا باقىلاۋ جۇرگىزىلىپ جاتقانىن حابارلادى. ايتا كەتەيىك، 24 ناۋرىزدا شىعىس قازاقستان وبلىسىندا كۇندىزگى تەمپەراتۋرا 5-10 گرادۋسقا، كەي جەرلەردە 15 گرادۋسقا دەيىن جوعارىلايدى دەپ كۇتىلىپ وتىر.