ەۋرازيالىق دامۋ بانكى (ەدب) مەن قازاقستاننىڭ ۇلتتىق بانكى قازاقستاندا «اۆتوۆازدىڭ»  قۇراستىرۋ ءوندىرىسىن قۇرۋعا 500 ميلليون اقش دوللارىن ءبولۋى مۇمكىن، - دەپ حابارلايدى «قامشى» پورتالى. بۇل تۋرالى ەدب باسشىسى دميتريي پانكين ريا نوۆوستي – گە بەرگەن سۇحباتىندا ايتقان.

ونىڭ ايتۋىنشا، «اۆتوۆاز» كونسەرنى وتكەن جىلى ەلىمىزدە اشىلماق قۇراستىرۋ ءوندىرىسى ءۇشىن قارجى ۇيىمىنان نەسيە سۇراعان. بانك بۇگىندە كومپانيانىڭ ءوتىنىشىن قاراستىرۋ ۇستىندە كورىنەدى.

«قارىزعا بەرىلەتىن سوما كولەمى – 500 ميلليون دوللار شاماسىندا. ول سومانىڭ جارتىسى قازاقستاننىڭ ۇلتتىق بانكى بەرسە، قالعان جارتىسىن ەدب جابادى. بۇل ءوتىنىشتى تەرەڭ تالداپ، بانك كەڭەسىنە شىعارامىز»، - دەگەن د. پانكين.

سونداي-اق، ول جوبانىڭ كۇردەلىلىگىن. ازىرگە، ساقتىقپەن قاراپ وتىرعاندىقتارىن دا ايتقان.

ەستەرىڭىزگە سالساق، ەدب 2006 جىلى ەۋرازيالىق كەڭىستىكتە ەكونوميكانىڭ ءوسۋى مەن ينتەگراسيالىق پروسەستەردى قولداۋ ماقساتىندا قۇرىلعان. جارعىلىق قورى 7 ميلليارد دوللاردى قۇرايتىن بانك كاپيتالىنىڭ 66 پايىزى رف-عا، 33 پايىزى قازاقستانعا تيەسىلى. قازاقستان مەن رف-دان باسقا ارمەنيا، بەلورۋسيا، قىرعىزستان مەن تاجىكستان دا بانك قۇرىلتايشىلارى بولىپ تابىلادى.

وسىلايشا، قازاقستان قارجىلىق داعدارىس قيىندىقتارىنا قاراماستان، اشىق باسەكەگە توتەپ بەرۋگە قابىلەتسىز، ساپاسى سىن كوتەرمەيتىن رەسەيلىك كوشىرمە كولىكتەردى قۇراستىرۋعا قىرۋار قارجى بولمەك.