استانادا ەكىنشى رەت شوۋ-ايتىس ءوتتى، - دەپ حابارلايدى «قامشى» پورتالى Baistars.kz-كە سىلتەمە جاساپ.
اقىندار مەن انشىلەردىڭ ايتىسى بىلتىر تۇڭعىش رەت ۇيىمداستىرىلعان بولاتىن. سول كەزدە كورەرمەننىڭ قاتاڭ سىنىنا ىلىككەن بولاتىن. كوپشىلىك "ايتىستى بۇلاي قورلاۋدىڭ كەرەگى جوق" دەپ، ەندىگى ەفيرگە شىعارماۋدى تالاپ ەتتى. دەگەنمەن بيىل قايتا ۇيىمداستىرىلىپ، زالدا وتىرعان كورەرمەندەردىڭ ايتۋىنشا جوعارى دارەجەدە وتكەن. "بۇگىن "جۇلدىزدار ايتىسادى" جوباسىنىڭ كۋاسى بولىپ قايتتىق. ءجۇرسىن اعانىڭ (ەرمانوۆ - رەد.) ءوزى ايتپاقشى قازاقى قالجىڭمەن كوڭىلدى كوتەرەتىن، قازاقشا كۇلۋگە مۇمكىندىك جاسايتىن شوۋ. بىلتىرعى جىلعى سىننان كەيىن بە، دەڭگەي بيىل ءوسىپتى. دايىندىق بايقالادى. ايگۇل يمانبايەۆانىڭ سىرنايمەن ايتىسۋ شەبەرلىگىن، ونەر جولىن ايتىسپەن باستاعان ەركىن نۇرجانوۆتىڭ شىن ايتىسسا ءالى دە بابىندا ەكەنىن كوردىك. قۋاندىق. ءمولدىر اۋەلبەكوۆاعا كىشكەنە دايىندىق كەرەك ەدى. اتتەڭ-اي دەپ قالدىق. ال قانات ءالجاپپاروۆتى وسى جولى دومبىرانى ۇيرەنىپ كەلەدى-اۋ دەپ ۇمىتتەنىپ ەدىك، باياعى اۋەنىنە قايتا باستى. مۇمكىن xالىققا بۇ دا كەرەك شىعار. مۋxتار نيازوۆوۆ ايتپاقشى، "قاناتتان دۇرىس ءسوز شىعارعاننان، وگىزدەن ءسۇت شىعارعان وڭايىراق" - دەپ جازدى Facebook پاراقشاسىنا اباي سەيفۋللا ۇلى.
وسىلايشا ءتورت جۇپتىڭ ىشىنەن ناعىز شوۋ ايتىس كورسەتكەن ەركىن نۇرجانوۆ پەن شالقارباي اقانوۆ بولدى. دەمەۋشىلەردەن ولار 1 ميلليون ۇتىستى قانجىعاسىنا بايلادى. ال ەكىنشى ورىن ايگۇل يمانبايەۆا مەن مۇxتار نيازوۆقا بۇيىردى
پىكىر قالدىرۋ