24 ناۋرىزدان باستاپ پارلامەنت ءماجىلىسىنىڭ عيماراتىندا سمارتفون پايدالانۋعا تىيىم سالىندى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.
اتالعان اقپاراتتى ءماجىلىستىڭ باسپا ءسوز قىزمەتى راستاپ وتىر. ونداعىلاردىڭ ايتۋىنشا، ءماجىلىس اپپاراتىنىڭ قىزمەتكەرلەرىنە سمارتفون پايدالانۋعا شەكتەۋ قويىلماق. ءقازىر ءماجىلىس ءۇيىنىڭ كىرەبەرىسىنە سمارتفونداردى ۋاقىتشا ساقتايتىن ارنايى جاشىكتەر دە ورنالاستىرىلىپ جاتقان كورىنەدى.
پارلامەنتتىڭ جوعارعى پالاتاسى – سەناتتا دا مۇنداي شەكتەۋ ءسال كەيىنىرەك ەنگىزىلەتىنى بەلگىلى بولىپ وتىر.
بۇعان دەيىن 24 ناۋرىزدان باستاپ ەلىمىزدىڭ مەملەكەتتىك ورگاندارىنا قاراستى عيماراتتار ىشىندە سمارتفونداردى پايدالانۋعا شەكتەۋ قويىلاتىنى تۋرالى حابارلاعان بولاتىنبىز. الايدا، ۇكىمەت ءۇيى مەن ءبىرقاتار مينيسترلىكتىڭ عيماراتتارىنا كىرەبەرىسكە ورناتىلۋى ءتيىس سمارتفون ساقتايتىن ارنايى جاشىكتەر الىكۇنگە ورناتىلماي وتىر.
پىكىر قالدىرۋ