ءبىزدىڭ رەداكسيانىڭ جۋرناليسىنە ەليتالى جەزوكشەلەردىڭ بىرىمەن سۇحباتتاسۋ ءساتى ءتۇستى. تومەندەگى ماتەريال وسىنداي جولمەن نان تاۋىپ جۇرگەنىنە 4 جىل بولعان س. ەسىمدى الماتىلىق قىزدىڭ اۋزىنان جازىلىپ الىندى.
توقال بولۋ — جوعارى دەڭگەيدىڭ بەلگىسى
توقال — قازاق قوعامىندا بۇرىندارى جاعىمدى ستاتۋسقا يە بولعان. بايبىشەمەن تەڭ قۇقى بار، جاس، جارىنىڭ سۇيىكتى، قىلىقتى تەڭى. كەي كەزدەردە امەڭگەرلىكپەن كەلگەن، كەي كەزدە كارى قىزداردىڭ پروبلەماسىن شەشۋ ماقساتىندا ءبىر بايدىڭ ەكىنشى ايەلى بولىپ جاتسا، بايبىشە «بەدەۋ» بولعاندا دا توقال الىپ ءتۇرلى پروبلەمالار ءتۇيىنىن شەشۋگە تىرىسقان. 21ء-شى عاسىردا توقال بولۋعا جاس قىزدار عانا كەلىسىمىن بەرىپ جاتادى. ونىڭ ءوزى ماتەريالدىق پروبلەمالار ءتۇيىنىن شەشۋ ءۇشىن عانا.
— الماتىدا ءاربىر بەسىنشى قىزدى «ەليتالى جەزوكشە» دەسەڭىز دە بولادى. ءقازىر ساين كوشەسى بويىندا كارى ايەلدەر مەن ءتۇرى ناشار، وزىنە قارامايتىن كوشە جەزوكشەلەرى تۇرادى نەمەسە ولار ارزان قوناق ۇيلەر مەن ساۋنالاردى جاعالاپ كليەنت ىزدەپ جۇرەدى. ءبىز بولساق ونداي «ارزان» جەرلەردە جۇرمەيمىز. ءبىزدىڭ ارنايى وتىراتىن ورنىمىز بار. ول جەردە قىزداردى ءتۇرى مەن فيگۋراسىنا قاراپ الادى. جانە جاسىڭ وتىزدان اسپاۋى ءتيىس. ءبىز كۇندە كەشكە جۇمىسقا بارعانداي بارامىز. ادەمى كويلەك، بيىك وكشەلى كابلۋك، كاسىبي ماكياج، مانيكيۋر، پەديكيۋر مەن پريچەسكاڭ بولۋى ءتيىس. شەت تىلدەرىن بىلسەڭ، جاقسىلاپ ءان ايتا الساڭ ستاۆكاڭدا جوعارى. بىزگە كەلەتىن قوناقتىڭ كوبى شەت ەلدىكتەر. بىرەۋى بيزنەسمەن، بىرەۋى ءبىر كومپانيانىڭ ديرەكتورى، تاعى بىرەۋى استانادان كەلەتىن مينيسترلەر، -دەيدى س.
كوفە جانە چاي: زاماناۋي گەيشالار
— مۇنداعى قىزداردىڭ ەكى ءتۇرى بولادى: «چاي» قىزدار، ياعني كەلگەن قوناقتاردىڭ كوڭىلىن كوتەرىپ، سولارمەن بىرگە ءىشىپ، ءان ايتىپ، بي بيلەپ، «سچەتتى راسكرۋتكا» جاسايتىندار، بۇلار ارى قاراي ينتيم قىزمەت كورسەتپەيدى. سوعان وراي وتىرعان باعاسى دا 5000 تەڭگە، ودان ءارى قوناقتىڭ ريزاشىلىعىنا وراي باعالار كەتە بەرەدى. كوبىنە مۇنداي جۇمىستاردى وقۋ اقىسىن تولەي الماي جۇرگەن ستۋدەنت قىزدار ىستەيدى. ءبىراق، «چاي» قىز ىشىمدىكتەن باس تارتپاۋى ءتيىس.
"كوفە" قىزدار، ينتيم قىزمەت كورسەتەدى. كەلگەن قوناق قىزداردى ءوز قالاۋىنا قاراي تاڭدايدى. «كوفە» قىزدار قوناقتاردىڭ كوڭىلىن دە كوتەرەدى، «سچەت راسكرۋتكاسىندا» جاسايدى، ىشىمدىكتى دە ىشەدى، ارى قاراي قوناق ۇيگە دە بىرگە كەتەدى. ولاردىڭ قىزمەت اقىلارى دا جوعارى. ءبىر رەتتىك قىزمەت قۇنى 100 دوللار. ءبىراق، ونداعى قىزدار ودان دا جاقسى اقشا تابادى. شەت ەلدىك قوناقتار وتە «جومارت». كوڭىلىن تاپساڭ ءبىر تۇندە «500-1000» دوللاردى وپ-وڭاي بەرە سالادى.
قازاق اعالاردى ەمەس، شەت ەلدىكتەردى ۇستاۋعا تىرىسامىز
قازاقتار كوپ كەلە بەرمەيدى. ۇلكەن –ۇلكەن شەنەۋنىكتەر قىزداردى رەزەرۆ جاساپ، استاناعا ەكى-ۇش كۇنگە جاقسى باعاعا الىپ كەتىپ جاتادى. ولار كەلگەن كۇننىڭ وزىندە وزبەك پەن ورىستىڭ قىزدارىن كىرگىزۋگە تىرىسامىز. سەبەبى، قازاقتار اقشاڭدى تولىق بەرمەيدى، قىزدارمەن قالاي بولسا سولاي وكتەم سويلەسەدى، كەيدە اقىل ايتىپ، ۇيالتىپ، جىلاتىپ تا جاتادى. بولماسا بىر-بىرىنە قاراپ «مىنالاردى كەيىن بالالارىمىز كەلىن-عىپ اكەپ تۇرماسىن»، «قۇداي ونىڭ بەتىن ارى قىلسىن» دەپ كوزىمىزشە نەشە ءتۇرلى اڭگىمەلەر ايتىپ جاتادى. شەت ەلدىكتەرمەن بىزگە «پروششە»، اقشاڭدى اياماي بەرەدى، ەرتەسى مەيرامحانالار مەن قىمبات ساۋدا ۇيلەرىن ارالاتادى. تالاي قىزدارىمىز سولاردىڭ ارقاسىندا ۇيدەن ءۇي الىپ، ماشينادان ماشينا ءمىنىپ، ءوز بيزنەستەرىن اشىپ كەتتى،- دەيدى دەرەكوز.
- شەت ەلدىكتەر دەگەنىڭىز قاي ۇلتتىڭ وكىلدەرى ؟
- قىتايلار مەن كارىستەر نەگىزىنەن. تۇراقتى كەلەتىن قازاق كليەنتتەر دە بار.
توقال بولعاننان دا، «كوفە قىز» بولعان جاقسى
توقال بولعاننان دا، كوفە قىز بولعان جاقسى. توقال بولساڭ، سەن ءبىر عانا ادامعا تيەسىلىسىڭ. كوفە بولىپ جۇرسەڭ، ەرىك وزىڭدە. 3-4 قوناقپەن قاتار جۇرۋىڭە بولادى. ەركىندىگىڭ بار، كەز-كەلگەن ۋاقىتتا كەتە بەرۋىڭە بولادى. ونىڭ ۇستىنە شەت ەلدىكتەر ءبىزدىڭ ەلدە ۋاقىتشا جۇرگەندەر، سول ءۇشىن ولارمەن كەزدەسىپ تۇرعاننىڭ وزىندە قالاعانىڭدى اپەرىپ، جاعدايىڭدى جاسايدى. ال، قازاقتارعا توقال بولۋ قيىن. بالا تاۋىپ بەرۋ كەرەكسىڭ. بىرگە ءجۇرۋ كەرەكسىڭ، اڭگىمەسى كوپ،- دەيدى تۇتقانىڭ ار جاعىنداعى س. اتتى وسى سالادا جۇرگەن قازاق قىز.
— ءسىزدىڭ بۇل سالادا جۇرگەنىڭىزگە قانشا ۋاقىت بولدى؟
— ماعان بيىل 4ء-شى جىل. العاش «چاي» بولىپ باستاعانمىن، كەيىن «كوفەدەگىلەردىڭ» كوپ اقشا تاباتىنىن كورىپ،سولاي قاراي اۋىسىپ كەتتىم. بۇل ءبىر «بولوتا»، ءبىر رەت ىشىنە كىرسەڭ، ەشقاشان شىعا المايسىڭ. ءبىزدىڭ ارامىزدا بانك پەن ءىرى كومپانيالاردا، تەليەۆيزيادا، شوۋ-بيزنەستە جۇمىس ىستەيتىن قىزدار دا بار. ولار كۇندىز كادىمگى جۇمىستا وتىرادى، كەشكە وسى جۇمىسقا كەلەدى. «جيرنىي كليەنت» تاۋىپ الساڭ، كلۋبقا كەلۋدىڭ دە كەرەگى جوق. جەكە وزىنە عانا بارىپ تۇرۋىڭا بولادى.
«جوعارعى كلاسس» قىزدار شەت ەلدە جۇمىس ىستەيدى
اعىلشىن ءتىلىن بىلەتىن قىزدار تۇركيا مەن دۋبايعا شىعىپ جۇمىس ىستەپ تۇرادى. ول جاقپەن ءبىزدىڭ «مادامدار» كەلىسىپ بەرەدى، سۋرەتىڭدى جىبەرەسىڭ، ءتۇرىڭ، فيگۋراڭ ۇناسا، بيلەتىڭدى، جاتاتىن ورنىڭدى دايىنداپ، وزدەرى شاقىرادى. ءسويتىپ ەكى-ۇش ايعا بارىپ كەلەتىن قىزدار كوپ. ونداي جاققا ءتىل بىلەتىن، جوعارى ءبىلىمى بار، باستىق ادامدارمەن سويلەسە الاتىن، بويى مەن اياعى ۇزىن قىزدار بارادى. كوبىنە شاشى سارى، كوزى كوك ورىس قىزداردى سۇرايدى. سوندىقتان شاشىمىزدى بوياپ، كوزىمىزگە كوك لينزا تاعىپ، ورىستىڭ قىزدارىمىز دەپ بارامىز.
