2016 جىلىدىڭ 10 ايىندا الماتىعا ەڭ كوپ ورالماندار وزبەكستان مەن قىتايدان كەلدى، دەپ حابارلايدى «قامشى» پورتالى. بۇل تۋرالى الماتىدا مەملەكەتتىك ەڭبەك جانە كوشى-قون ينسپەكسياسى باسقارماسىنىڭ باسشىسى عادىلبەك قارابالايەۆ 2016 جىلعى 10 ايدا زاڭنامانىڭ ساقتالۋىنا مەملەكەتتىك باقىلاۋدى جۇزەگە اسىرۋ جۇمىستارىنىڭ قورىتىندىسىندا  ايتقان.

«ورالمانداردىڭ شىققان ەلدەرى نەگىزىنەن وزبەكستان – 180 ادام نەمەسە  48،1%، جۇڭگو حالىق رەسپۋبليكاسىنان - 165 ادام نەمەسە -  44،1%، قىرعىزستان - 10، رەسەي-2، تاجىكستان -2، تۇركىمەنستان 7، ازەربايجان -1، موڭعوليا - 2، تۇركيا - 1»، - دەدى ع. قارابالايەۆ بەيسەنبى كۇنگى باسپا ءسوز ءماسليحاتىندا. 
بۇل رەتتە ول، جىل باسىنان بەرى ورالمان مارتەبەسى 374 ەتنيكالىق قازاققا بەرىلگەنىن اتاپ ءوتتى. كەلگەن ورالمانداردىڭ ىشىندە ەر ادام - 69، ايەلدەر - 205. جۇمىسقا قابىلەتتى جاستاعى ادامدار - 231.