«قازاقفيلم» اق «باتىس جۇڭگو فيلم» كورپوراسياسىمەن بىرلەسىپ تۇسىرەدى دەلىنگەن فيلمگە بايلانىستى تۇسىنىكتەمە بەردى. ەسكە سالساق، «قازاقفيلم» اق مەن «باتىس جۇڭگو فيلم» كورپوراسياسى بىرلەسىپ، «ماحاببات وتكەلدەرى» اتتى قىتايعا تيگەن قازاقستاندىق قىز تۋرالى رومانتيكالىق كومەديا تۇسىرمەكشى بولعانىن حابارلاعان بولاتىنبىز.
بۇل الەۋمەتتىك جەلىدە قىزۋ تالقىلانىپ، قوعامنىڭ نارازىلىعىنا ۇشىراعان ەدى. وسىعان بايلانىستى، «قازاقفيلم» اق باسپا ءسوز قىزمەتى «قازاقفيلم» اق قىتايلىق كينەماتوگرافيستەرمەن مەموراندۋمعا قول قويىلعانىن، ءبىراق ازىرگە ناقتى جوبالاردىڭ تالقىلانباعانىن حابارلادى. «قازىرگى ۋاقىتتا ءقازاقفيلمنىڭ قىتايمەن بىرلەسكەن ءبىر عانا جوباسى بار - ول ءبىر كەزدەرى كسرو-دا ءومىر ءسۇرىپ، قىزمەت اتقارعان تالانتتى قىتايلىق كومپوزيتور سي سينحاي تۋرالى «كومپوزيتور» ءفيلمى (ونىڭ ەسىمى الماتى مەن استانا كوشەلەرىنە بەرىلگەن)»، - دەلىنگەن باسپا ءسوز قىزمەتىنىڭ حابارلاماسىندا.
