شىمكەنتتەگى 7/10 مەكەمەسىندە جازاسىن وتەۋشى كوكنونىس ءوسىرۋدى قولعا الىپ، بيىل 45 توننا  ءونىم جينادى. بۇل تۋرالى وڭتۇستىك قازاقستان وبلىسى قىلمىستىق اتقارۋ جۇيەسى دەپارتامەنتى حابارلادى.

«ءتورت جىلعا سوتتالۋشى 43 جاستاعى باقىتجان مەملەكەتتىك مۇلىكتى تالان-تاراجعا سالعانى ءۇشىن جازاعا تارتىلعان. تۇرمەدە وتىرىپ، جەكە-كاسىپتىك قىزمەتپەن اينالىسۋعا كىرىستى. بيزنەس جوبا ازىرلەپ، وعان جەرگىلىكتى اكىمشىلىك قانا ەمەس وبلىستىق كاسىپكەرلىك باسقارماسى دا قولداۋ بىلدىرگەن”، – دەيدى وقو قاج دەپارتامەنتىنىڭ وكىلى تۇرسىناي راحمەت.

         ونىڭ ايتۋىنشا، ءقازىر جازاسىن وتەۋشىنىڭ جەتەكشىلىگىمەن ءارقايسىسىنىڭ اۋماعى ءبىر گەكتاردان ەكى جىلىجاي جۇمىس ىستەيدى.  بۇل جىلىجايدا قاجىرلى ەڭبەكپەن اۋىل شارۋاشىلىعى ونىمدەرىن ءوسىرۋدى قولعا الۋ ءوڭىر تىنىسىنا، ەكونوميكاسىنا جاڭا سەرپىن، جاڭا دەم بەرەتىنى انىق.جاڭا باستاماسى جايلى، الداعى قوعان ماقساتتارى جايلى بولىسكەن باقىتجان ەڭبەكتەنە وتىرىپ، ەل ەكونوميكاسىن كوتەرۋ بارلىعىمىزدىڭ پارىزىمىز دەگەن ويىن ءبىلدىردى.  “ولاردىڭ بىرىندە قيار، ەكىنشىسىندە ورامجاپىراق وسىرىلەدى»، – دەيدى تۇرسىناي راحمەت. بۇل ءبىر جاعىنان اۋىل شارۋاشىلىعىن دامىتۋ، ەكىنشى جاعىنان تۇرمەدە وتىرعانداردى جۇمىسپەن قامتىپ، ەڭبەككە باۋلۋ.  مۇنداي جاڭا مۇمكىندىكتەردى بەرگەن اكىمدىك ازاماتتاردىڭ ءوڭىردىڭ اۋىل شراۋاشىلىعىن دامىتۋىنا مۇمكىندىك بەرۋدى ويلاستىرعان ەكەن.

         «سونىمەن قاتار، باقىتجان تىگىن سەحىن اشتى. ايتا كەتەرلىگى ونىڭ شارۋاشىلىعىندا 10 سوتتالۋشى جۇمىسپەن قامتىلعان»، – دەيدى ول.