كەنە شاعۋ دەرەكتەرى وبلىس بويىنشا  كوبەيىپ بارادى. بۇل تۋرالى بۇگىن وبلىس اكىمدىگىنىڭ كەزەكتى ماجىلىسىندە ءوڭىر باسشىسى جانسەيىت تۇيمەبايەۆ مالىمدەدى.

– جۇيەلى شارۋالار ءالى كۇنگە دەيىن وتە از. ەڭ باستى ماقسات – ازىق-تۇلىك قاۋىپسىزدىگىن قامتاماسىز ەتۋ. ءبىزدىڭ تابيعاتىمىز قولايلى، ءتورت ماۋسىم بار. ءبىراق، ەل تاۋەلسىزدىگىنىڭ 25 جىلىندا دا ىشكى نارىقتى مال شارۋاشىلىعى ونىمدەرىمەن تولىق قامتاماسىز ەتكەن جوقپىز. بىزدە شىعارىلاتىن ونىمدەردىڭ باسەكەگە قابىلەتى تومەن. سوندىقتان باسقا وبلىستاردى بىلاي قويعاندا ءبىزدىڭ ءونىمىمىزدىڭ تۇتىنۋشىلارى شەت ەل ونىمدەرىن ساتىپ الۋعا ءماجبۇر. سونداي-اق مال شارۋاشىلىعىن دامىتۋدىڭ باستى ماسەلەسى ۆەنەريناريالىق قاۋىپسىزدىك. بۇل ماسەلە بويىنشا دا ءتيىستى جۇمىستار جۇرگىزىلمەي وتىر. بيىلعى جازدا، وزدەرىڭىز بىلەسىزدەر، كەنە اۋرۋى ءورشىپ كەتتى. بىلتىرعى جىلمەن سالىستىرعاندا كەنە شاعۋ فاكتىسى 40،4 پايىزعا وسكەن. ياعني 2016 جىلى 5564 جاعداي تىركەلگەن! 2015 جىلى 3961 بولعان. بۇل از ەمەس. ال ەگەر زالالسىزداندىرۋ جۇمىستارى ۋاقىتىلى جۇرسە، بۇلاي بولماس ەدى. مىنە، وسى ماسەلەلەرگە بايلانىستى دا الدىن الا جۇمىستار ىستەلىنبەي جاتىر، – دەدى اۋىل شارۋاشىلىعى باسقارماسىنىڭ باسشىسى سەرىك تۇربەكوۆتىڭ مال شارۋاشىلىعىن دامىتۋ تۋرالى ەسەبىن تىڭداعان وبلىس اكىمى. 

http://rgmedia.kz/