بۇگىن امەريكانىڭ ndtv.com سايتىندا "لوس-اندجەلەستەگى مەشىتتەردىڭ بىرىنە قوقان-لوقى حات جولداعان ادامداردى ىزدەستىرۋدە" دەگەن اتاۋمەن ماتەريال جاريا كوردى. مۇنداي الەۋمەتتىك ماڭىزى بار اقپاراتتى قامشى پورتالى اعىلشىن تىلىنەن اۋدارىپ، وقىرمان نازارىنا ۇسىنۋدى ءجون سانادى.

   حاتتا مۇسىلمانداردى «ءىبىلىستىڭ بالالارى» دەپ كورسەتىپ، ولاردى «جاۋىز جانە وڭباعان» دەپ تەڭەگەن. وعان قوسا، جاڭادان سايلانعان دونالد ترامپقا ماقتاۋ ايتىپ، مۇسىلماندارعا گيتلەردىڭ ياھۋديلەرگە ىستەگەنىن قايتالايتىن بولامىز دەگەن ۋادەسىن حاتتا جازىپ قالدىرىپتى. ولار كاليفورنيانىڭ ءۇش بىردەي مەشىتىنە جانە دجورجيا شتاتىنا دا جىبەرىلگەن.

    «ەسەپ بەرەتىن كەزدەرىڭ كەلدى» دەپ جازىلعان دەيدى  امەريكا-يسلام قاتىناسى كەڭەسىنىڭ اقش-تاعى ناسيحاتتاۋ قىزمەتىنىڭ ۇيىمى. «قالاعا جاڭا باسشى كەلدى. پرەزيدەنت دونالد ترامپ امەريكانى تازارتىپ، ونى قايتا جانداندىراتىن بولادى. سوسىن، مۇسىلماندار، سەندەرمەن اينالىسادى» دەپ جازىلعان حاتتىڭ سوڭىن «امەريكالىقتار جاقسى جول ءۇشىن» دەپ اياقتاعان.

   لوس-اندجەلەستىڭ پوليسيا باستىعىنىڭ ورىنباسارى مايكل داۋنينگ كاليفورنياداعى مەشىتكە جىبەرىلگەن ەكى حات تا 19 قاراشاعا بەلگىلەنگەن ءمور ەكەنىن ايتادى.

فەدارالدىق تەرگەۋ بيۋروسىنىڭ بۇعان دەيىنگى ساراپتاماسى بويىنشا اقش-تاعى مۇسىلماندارعا دەگەن وشپەندىلىك قىلمىستار سانى وسى جىلى 67%-عا ارتقان. بۇل – 2001 جىلعى 11 قىركۇيەكتەگى وقيعادان كەيىنگى ەڭ جوعارعى كورسەتكىش.

اۋدارعان: مارال شايحى