ديسنەيدىڭ تاعى ءبىر تۋىندىسى قازاق تىلىنە اۋدارىلدى، – دەپ حابارلايدى 24.kz. بۇل جولى كورەرمەن نازارىنا «موانا» ءمۋلتفيلمى جول تارتاتىن بولادى. استانا، الماتى جانە شىمكەنت قالالارىندا ونىڭ الدىن الا كورسەتىلىمى ءوتتى.

قازاق تىلىندە دىبىستالعان مۋلتفيلم تىنىق مۇحيتىنىڭ ارالدارىنداعى اڭىز-ەرتەگىلەرگە ساپار شەكتىرەدى. دالىرەك ايتقاندا، وسىدان 2 مىڭ جىل بۇرىن ايماقتى مەكەن ەتكەن ادامداردىڭ تىنىس-تىرشىلىگىن كورسەتىپ، تىلسىم قۇبىلىستاردى باياندايدى. جوبا جەتەكشىلەرى الەم بويىنشا بۇل تۋىندىعا دەگەن سۇرانىستىڭ ارتا تۇسكەنىن ايتىپ وتىر. سوندىقتان ونى قازاق تىلىنە اۋدارىپ، جاس ۇرپاققا تاربيەلىك ءمانىن ناسيحاتتاۋدى قولعا العان. ايتا كەتەيىك، بۇل تۋىندىنى 30-دان اسا قازاقستاندىق اكتور دىبىستادى.

نازەركە سەرىكبولوۆا، اكتريسا:

- سيۋجەت جالپى وتە قىزىقتى. مەن دىبىستاپ جاتقان ساتتەردە كۇلىپ قويىپ، ءوز-وزىمىزدى جيناي الماعان كەزدەر كوپ بولدى. سوسىن ايقايلاي سالادى، موانانىڭ داۋىسىنىڭ وزگىرىپ سالا بەرەدى. تەك قانا دىبىسپەن سول قىزدىڭ نە ويلاپ تۇرعانىن، جىلاپ تۇرعانىن بارلىعىن كورسەتۋ كەرەك بولدى.

ايدار ماحمەتوۆ، جوبا جەتەكشىسى:

- بولاشاق قاۋىمداستىعى 15 گولليۆۋد ءفيلمىن قازاقشا اۋدارعان بولاتىن. سول ءداستۇرىن ۇزبەي، بۇگىن 16-رەت ۇسىنامىز. ماقسات – قازاق ءتىلىن جوعارىعا كوتەرۋ.