قازاقستان پرەزيدەنتى نۇرسۇلتان نازاربايەۆتىڭ جيەنى ايسۇلتان نازاربايەۆ ءوزىنىڭ facebook الەۋمەتتىك جەلىسىندەگى پاراقشاسىندا بيلىك جانە بيلىكتەگى جاعىمپازدىق تۋرالى وي قوزعادى.

«مەنەن كەيبىرەۋلەر «اعا، كوكە، بۇيتەيىك-سويتەيىك، اقىل-كەڭەسىڭىزدى ايتىڭىزشى» دەپ جاعىمپازدانعانىمدى قالايدى. ءبىزدىڭ «ەليتانىڭ» ورتاعاسىرلىق داۋىرگە ءتان ويلاۋ جۇيەسى وسىنداي. الايدا مەن تۋعان اتاما دا ونداي «قارىم-قاتىناس» جاساعان ەمەسپىن. ماسەلە مەنمەندىكتە، بيلىككە قىزىعۋشىلىقتا نەمەسە وتىرىك جەتىستىكتە ەمەس. مەن جاي عانا ونداي ادام ەمەسپىن. مەن ءۇشىن ار مەنەن نامىس ءبىرىنشى كەزەكتە، باستى ومىرلىك قۇندىلىق.

جوعارى بيلىكتەگى كەي ادامدار ءبۇتىن ءبىر مەملەكەت اشسا الاقاندارىندا، جۇمسا جۇدىرىقتارىندا بولعانىن ارماندايدى. ارام پيعىلدىلار كواليسيا مەن كلانعا بىرىگە وتىرىپ، بارلىعىنان قارجىلىق پايدا تاپقىسى كەلىپ، ەلدى ارتقا سۇيرەيدى. سولاردىڭ كەسىرىنەن قازاقستان دامىماي ءبىر ورنىندا تۇرىپ قالادى. بۇل ءبىزدىڭ بولاشاعىمىزعا تونگەن باستى ءقاۋىپ.