ق ر دوپينگكە قارسى ۇلتتىق ورتالىعىنىڭ ديرەكتورى مايرا باقاشيەۆا قازاقستاندىق سپورتشىلاردىڭ قانىنان تابىلعان دوپينگ، سپورتتىق تاعام ارقىلى بەرىلۋى مۇمكىن دەپ بولجايدى.

مايرا باقاشيەۆا تىيىم سالىنعان زاتتار از مولشەردە بيولوگيلىق قوسپالاردا جانە سپورتتىق استا بولۋى مۇمكىن دەگەن توقتامعا كەلىپ وتىر. بۇل سپورتشىلاردىڭ ءوز قالىپتارىن تەپە-تەڭدىكتە ۇستاۋ ءۇشىن قولدانادى. ال، 2008 جىلى قىتايدا جانە 2012 جىلى انگليادا بولعان وليمپياداداعى قازاقستاندىق جەڭىمپازدار تىيىم سالىنعان پرەپاراتتاردان «تازا» بولدى دەگەن ويدا. 

2008، 2012 جىلعى تەكسەرىستىڭ ناتيجەسى قازاقستاندىق سپورتشىلار ءۇشىن وڭ ناتيجەسىن كورسەتكەن. الايدا، 2012 جىلدىڭ اياعىندا، 2013 جىلدىڭ باسىندا تىيىم سالىنعان زاتتاردى تابۋدىڭ جاڭا ءادىسى شىقتى. ول بويىنشا، ماماندار اعزادا ۇزاق ۋاقىت جۇرگەن كىشكەنتاي قالدىق مەتوبوليتتەردى كورە الادى. وسى ساراپتامانىڭ ناتيجەسىندە كوپتەگەن سپورتشىلاردان تىيىم سالىنعان زاتتاردى تاپقان، دەپ بولجايدى م.باقاشيەۆا.

مايرا حانىم، جاعدايدى وزگەرتۋ ءۇشىن وقۋ باعدارلامالارىن ەنگىزۋ ەڭ ءتيىمدى ءادىس دەپ سانايدى. ول ارقىلى سپورتشىلار اعزاعا دوپينگ قانداي جولدارمەن ءتۇسۋى مۇمكىن ەكەنىن جانە ءوزىن قالاي قورعاۋعا بولادى دەگەن ساۋالدارعا جاۋاپ تابا الادى. وعان تەك سپورتشىلار عانا ەمەس، جاتتىقتىرۋشىلار، سپورت دارىگەرلەرى قاتىسادى. دەسە دە، قازاقستاندىق سپورتتا دوپينگكە قارسى ەرەجەلەردىڭ بۇزىلۋى ءقاۋپى جوعارى ەكەنىن ەسكەرتتى. ول سپورتشىلاردىڭ جاعدايىن جاقسارتۋ ماقساتىندا قولدانىلاتىن ءدارى، اس ارقىلى اعزاعا ءتۇسۋ مۇمكىندىگى زور.

سپورتشىلاردىڭ سىناماسى ەندى  10 جىلعا دەيىن ساقتالادى. بۇرىن 8 جىلعا دەيىن ساقتالاتىن.