الەۋمەتتىك جەلىدە ءانۇران ورىندالۋى بارىسىنداعى وعاش جاعداي قىزۋ تالقىلاندى. اتالعان جاعداي وڭتۇستىك قازاقستاندا تۇڭعىش پرەزيدەنت كۇنىنىڭ قۇرمەتىنە وتكىزىلگەن سالتاناتتى جيىندا ورىن العان. وسى جيىندا «كتك» ارناسىنىڭ وڭتۇستىك قازاقستانداعى ءتىلشىسى مارينا نيزوۆكينا مەن «يۋجنىي كازاحستان» گازەتىنىڭ قىزمەتكەرى يرينا ابراموۆانىڭ ارەكەتى الەۋمەتتىك جەلىدەگى قاۋىمنىڭ اشۋىن تۋعىزدى.
"ءانۇرانىمىزدى مەنسىنبەي، مەلشيىپ تۇرعاندارى «اسىڭدى ءىشىپ، اياعىڭدى تەبەيىن» دەگەنگە كەلەتىندەي. نەگە ولاي ىستەدى؟ مەنىڭشە، شوۆينيستىك پيعىلمەن ادەيى ىستەپ تۇر. بىلمەي قالدى دەيتىندەي دە ەمەس. ەكەۋى دە بىلدەي باق-نىڭ وكىلدەرى. مۇنداي جيىنعا دا ءبىرىنشى رەت كەلمەگەنى انىق. ەرەجەگە ساي، جۇرتپەن بىرگە قولدارىن كەۋدەسىنە قويسا، جۇرەكتەرى توقتاپ قالار ما ەدى؟ بۇيتە بەرسە، ەل اراسىندا ۇلتارازدىقتى تۋدىرماسىنا كىم كەپىل؟ بۇلار ءۇشىن باسقا زاڭ جازىلعان با، الدە؟
بۇگىن – ەكەۋىنە، ەرتەڭ تاعى بىرنەشەۋىنە وسىلاي ىستەتىپ قويىپ، باسىندىرا بەرمەي، ارنايى ورىندار قاداعالاسا ەكەن"، – دەپ جازادى نۇربول ورىمباي.
ەسكە سالا كەتەر بولساق، قاتىستى زاڭدا:
«9-باپ. قازاقستان رەسپۋبليكاسىنىڭ مەملەكەتتىك گيمنىن ورىنداۋ ءتارتىبى
1. مەملەكەتتىك گيمن كوپشىلىك الدىندا ورىندالعان كەزدە قاتىسۋشىلار ونى ورنىنان تۇرىپ ايتادى (تىڭدايدى)، بۇل رەتتە قازاقستان رەسپۋبليكاسىنىڭ ازاماتتارى وڭ قولىن جۇرەك تۇسىنا قويادى»، - دەپ جازىلعان.
