قازاقستاندا 3 مىڭداي ب ا ق تىركەلگەن، سونىڭ 84%-ى گازەتتەر مەن جۋرنالدارعا، 7 %-ى اقپاراتتىق اگەنتتىكتەرگە، قالعان ۇلەس ەلەكتروندىق باق-قا تيەسىلى. سونىڭ ىشىندە «قازاق تۆ» تەلەارناسى ءۇش تىلدە جيىرما ءتورت ساعات بويى بۇكىل الەمگە حابار تاراتادى. بۇل تۋرالى بۇگىن اقپارات جانە كوممۋنيكاسيالار ءمينيسترى داۋرەن ابايەۆ پارلامەنت ماجىلىسىندە بولعان «ۇكىمەت ساعاتىندا» ايتتى.

باق-تى قولداۋ ماقساتىندا مەملەكەتتەن سۋبسيديا تۇرىندە قولداۋ كورسەتىلەدى. سونىمەن قاتار گازەتتەردىڭ اناليتيكالىق مازمۇنىن ارتتىرۋ كوزدەلۋدە. ول ءۇشىن سالالىق جۋرناليستيكانى دامىتۋ قولعا الىنادى. سونداي-اق جۋرناليستەردى ءتۇرلى اۋديتورياعا باعدارلاۋ (اۋداندىق، وبلىستىق، رەسپۋبليكالىق، حالىقارالىق) جۇيەسى دە جۇزەگە اسىرىلىپ، «ەكىنشى سۇرىپتى» جاريالانىمداردى شەكتەۋ تاجىريبەسى جۇرگىزىلەدى.

حابار تاراتۋدىڭ ساپاسىن ارتتىرۋ ماقساتىندا سيفرلىق تەحنولوگياعا كوشۋ 2019 اياقتالادى. بيىلعى جىلدىڭ اياعىنان ول ماڭعىستاۋ وبلىسىندا قولعا الىنباق.