جاسىلدار پارتياسىنىڭ اتىنان پرەزيدەنتتىك سايلاۋعا تۇسكەن دجيلل ستاين داۋىستاردى قايتا ەسەپتەۋگە قارجى جينايتىن كومپانيا قۇرماقشى دەپ حاباردايدى bbc.com. وتكەن دەمالىستا داۋىستاردى قايتا ەسەپتەۋگە 6،5 ملن دوللار جينالدى. اقش-تا ءاربىر ۇمىتكەر داۋىستاردى قايتا ەسەپتەۋدى تالاپ ەتە الادى. ول ءۇشىن وعان كەتەتىن قاراجاتتى تولەۋى كەرەك.

ستايننىڭ مۇنداي باستامانى كوتەرۋىنە، سايلاۋ كەزىندە داۋىستاردى سانايتىن ماشينانى حاكەرلەردىڭ بۇزۋى سەبەپ. قايتا ەسەپتەۋگە حيللاري كلينتون دا قوسىلدى. الايدا، ونىڭ جاقتاستارى كلينتوننىڭ سايلاۋداعى ناتيجەسى وزگەرە قوياتىنىنا كۇمان كەلتىرەدى. سەبەبى، دونالد ترامپ حيللاري كلينتوننان ۆيكونسين، ميچيگان جانە پەنسيلۆانيادا ون مىڭداعان داۋىسپەن باسىم تۇسكەن.

كلينتوننىڭ سايلاۋ شتابى رەسەي تاراپىنان حاكەرلىك بۇزۋدى اشكەرلەۋ ءۇشىن ەكى اپتا جۇمساعان. الايدا، ەشقانداي دالەل تاپپاعان. بۇل جونىندە كلينتوننىڭ سايلاۋ شتابىنىڭ باس زاڭ كەڭەسشىسى مارك ەلايياس «Medium» سايتىندا جازعان.  

قىلمىستى الدىن-الۋ ورتالىعىنىڭ پرەزيدەنتى دجون لوتتا National Review جۋرنالىندا امەريكالىق سايلاۋعا ارنالعان ماشينالار عالامتورعا قوسىلماعاندىقتان، حاكەرلەر ونى بۇزۋى مۇمكىن ەمەس دەپ مالىمدەگەن.

ميچيگان مەن پەنسيلۆانياداعى قايتا ەسەپتەۋ ءالى باستالمادى.