2016 جىلدىڭ 3 جەلتوقسان كۇنى «لايىقتى ۇرپاق تاربيەلەيىك» اتتى جوباسىنىڭ اياسىندا وبلىس پروكۋراتۋراسىنىڭ باستاماسىمەن جانە قولداۋىمەن ق ر تۇڭعىش پرەزيدەنتى جانە تاۋەلسىزدىكتىڭ 25 جىلدىعىنا وراي قازاقستاندا ءبىرىنشى رەت «Street workout» رەسپۋبليكالىق ويىندارى وتكىزىلدى.

ويىن بارىسىندا ەلىمىزدىڭ ايماقتارىنداعى كوشە جاتتىعۋلارىن جاسايتىن ۇزدىكتەر ءبىر الاڭدا باس قوستى. الاڭدا ءوزارا شىمكەنت، الماتى، تالدىقورعان، تاراز، ورال جانە كوكشەتاۋدان كەلگەن قۇرامالار سايىسقا ءتۇستى.

ويىندار وبلىستاعى جاستار ساياساتى ماسەلەلەرى جونىندەگى باسقارماسى مەن ۆوركاۋت قوزعالىسىنىڭ ۇيىمداستىرىلۋىمەن وتكىزىلدى.

سايىسقا قاتىسۋشىلار ءار ءتۇرلى كۇش جاتتىعۋلارىن جاساۋدان جارىسىپ، وزدەرىنىڭ قۇراماسىنىڭ بەرىكتىگىن جانە فيزيكالىق كۇش-قۋاتتارىن كورسەتە ءبىلدى.

سايىستىڭ قوناعى ءارى تورەشىسى رەتىندە وسى سپورتتىڭ قالاۋشىسى، «شكولا - تۋرنيكا» ۇيرەتۋشى بەينەروليگىن جاساعان – ميحايل باراتوۆ شاقىرىلعان.

جالپى قۇرامالىق ەسەپپەن سايىستىڭ جەڭىسىنە شىمكەنت قالاسىنىڭ «13 لەگيون» قۇراماسى جەتتى.

جارىس بارىسىندا شەبەر جانە جاس سپورتشىلاردىڭ كورسەتكىش ونەرلەرى تاماشالانىپ، بۇل سپورت تۇرىمەن شۇعىلدانۋعا نيەت بىلدىرگەندەرگە كۇش – قۋاتىن كورسەتۋگە مۇمكىندىك بەرىلدى.      

اتالعان ءىس-شارا بۇل سپورت ءتۇرىن جان-جاقتى كورسەتۋ جانە جاستار اراسىنداعى سالاۋاتتى ءومىر سالتىن قالىپتاستىرۋعا باعىتتالعان بولاتىن. جارىسقا كورەرمەن جانە جانكۇيەرلەر رەتىندە قالانىڭ مەكتەپ، كوللەدج وقۋشىلارى، ينتەرنات تاربيەلەنۋشىلەرى، «جاسۇلان» اسكەري مەكتەبىنىڭ كادەتتەرى شاقىرىلدى.