حرومتاۋ اۋدانىنا قاراستى بوگەتساي اۋىلىندا بولعان بەردىبەك ساپاربايەۆ سوڭعى جىلدارى ەلىمىزدە باسەكەلەستىكتىڭ ارتقانىن ايتا وتىرىپ، ناتيجەسىندە نان مەن ەت ءوندىرىسىنىڭ كولەمى ۇلعايعاندىعىن مالىمدەدى.
"باسەكەلەستىكتىڭ دامۋى – بازارداعى باعانىڭ شارىقتاپ كەتۋىنە جول بەرمەيتىن بىردەن-بىر امال. ەتتى، ءسۇتتى، ناندى بارىنشا كوپ ءوندىرۋىمىز قاجەت. ور وزەنىن دە ءتيىمدى پايدالانعان ءجون، ماڭايىنا ەگىن ەگىپ، ءبىزدىڭ ايماقتى دامىتۋلارىڭىز كەرەك"، - دەدى اقتوبە وبلىسىنىڭ اكىمى اۋىل حالقىنا.
ساپاربايەۆتىڭ ايتۋىنشا، تەك قانت پەن شاي وندىرىسىمەن توقتاپ قالۋعا بولمايدى. اۋىل حالقى ءوزىن-وزى بارلىق ازىق-تۇلىكپەن قامتاماسىز ەتەتىن جاعدايدا بولۋ كەرەك.
"وكىنىشكە قاراي، ءبىز ءقازىر ءبارىمىز دايىن اسقا ۇيرەنىپ الدىق. اۋىلدا ناندى، ەتتى، ءسۇتتى، جۇمىرتقانى ساتىپ الىپ جەۋ دەگەن دۇرىس ەمەس، ۇيات. ءاربىر اۋىل تۇرعىنىندا بۇل تاماقتىڭ ءبارى ءوز ۇيىندە بولۋى كەرەك. ءبىزدىڭ كەلىندەرىمىز ەرىنشەك بولىپ كەتكەن. ءبىراق، جاعداي رەتتەلەدى دەپ ۇمىتتەنەمىن. ءبىز ءوزىمىزدى ءوزىمىز قامتاماسىز ەتۋىمىز قاجەت"، - دەدى ب.ساپاربايەۆ.
